പഴയ എം.സി റോഡ്; ഇവിടെ യാത്ര അത്ര സേഫല്ല

കോ​ട്ട​യം: മ​ഴ​ക്കാ​ല​ത്തും വേ​ന​ലി​ലും യാ​ത്രാ​ദു​രി​തം സ​മ്മാ​നി​ച്ച്​ കോ​ടി​മ​ത​യി​ലെ പ​ഴ​യ എം.​സി റോ​ഡ്. ന​ഗ​ര​സ​ഭ​യു​ടെ 44ാം വാ​ർ​ഡി​ലാ​ണ്​ മെ​റ്റ​ലി​ള​കി യാ​ത്രാ​യോ​ഗ്യ​മ​ല്ലാ​താ​യ വ​ർ​ഷ​ങ്ങ​ളാ​യി ത​ക​ർ​ന്നു​കി​ട​ക്കു​ന്ന റോ​ഡു​ള്ള​ത്. പു​തി​യ എം.​സി റോ​ഡ് വ​ന്ന​തോ​ടെ ഈ ​പ​ഴ​യ റോ​ഡ് എ​ല്ലാ​വ​രും മ​റ​ന്നു.

നി​ല​വി​ൽ പ്ര​ദേ​ശ​വാ​സി​ക​ളു​ടെ​യും വ്യാ​പാ​ര​സ്ഥാ​പ​ന​ങ്ങ​ളി​ലേ​ക്കു​മു​ള്ള വാ​ഹ​ന​ങ്ങ​ളു​മ​ല്ലാ​തെ മ​റ്റു​ള്ള​വ ഇ​തി​ലേ പോ​കാ​റി​ല്ല. മ​ഴ​യ​ത്താ​ണ് റോ​ഡ് തീ​രെ സ​ഞ്ചാ​ര​യോ​ഗ്യ​മ​ല്ലാ​താ​കു​ന്ന​ത്. ഒ​രു മ​ഴ​യി​ൽ ചെ​ളി​ക്കു​ള​മാ​കു​ന്ന റോ​ഡി​ലൂ​ടെ കാ​ൽ​ന​ട​യാ​ത്ര​പോ​ലും അ​സാ​ധ്യ​മാ​ണ്. ഉ​ടു​തു​ണി​യി​ലെ​ല്ലാം അ​ഴു​ക്കാ​കും. വേ​ന​ൽ​ക്കാ​ല​ത്ത് പൊ​ടി​ശ​ല്യ​വു​മേ​റെ​യാ​ണ്.

ഒ​രു വാ​ഹ​നം ക​ട​ന്നു​പോ​കു​ന്ന​തി​ന്​ പി​ന്നാ​ലെ ഉ​ണ്ടാ​കു​ന്ന പൊ​ടി​ശ​ല്യം സ​മീ​പ​ത്ത താ​മ​സി​ക്കു​ന്ന​വ​ർ​ക്കും വ്യാ​പാ​രി​ക​ൾ​ക്കും ഉ​ണ്ടാ​ക്കു​ന്ന ബു​ദ്ധി​മു​ട്ടേ​റെ​യാ​ണ്. കോ​ട്ട​യ​ത്ത് നി​ന്നും കോ​ടി​മ​ത​പ്പാ​ലം ക​യ​റി​യി​റ​ങ്ങി ഇ​ട​ത്ത് വ​ശ​ത്തെ പെ​ട്രോ​ൾ പ​മ്പി​ന് നേ​രെ എ​തി​ർ​വ​ശ​ത്ത് ഓ​ട്ടോ സ്റ്റാ​ൻ​ഡു​ണ്ട്.

ഇ​തി​ന​രി​കി​ലൂ​ടെ അ​ക​ത്തേ​ക്കു​ള്ള വ​ഴി​യാ​ണ് പ​ഴ​യ എം​സി റോ​ഡ്. ഈ ​റോ​ഡി​ലൂ​ടെ 500 മീ​റ്റ​ർ ദൂ​രം ന​ട​ന്നാ​ൽ കോ​ടി​മ​ത ബോ​ട്ട് ജെ​ട്ടി​യു​ടെ എ​തി​ർ​വ​ശ​മെ​ത്തും. കൊ​ടൂ​രാ​റാ​ണി​വി​ടം. പ്ര​ദേ​ശ​വാ​സി​ക​ളു​ടെ വീ​ടു​ക​ളി​ലേ​ക്കു​ള്ള വ​ഴി ആ​റ്റി​റ​മ്പി​ലൂ​ടെ സ്ലാ​ബി​ട്ടി​രു​ന്നു. എ​ന്നാ​ലും ഇ​വി​ടെ ഒ​ട്ടും സു​ര​ക്ഷി​ത​മ​ല്ല. സു​ര​ക്ഷാ​വേ​ലി​യു​മി​ല്ല.

സ്ലാ​ബു​ക​ൾ ത​മ്മി​ൽ ന​ല്ല​തോ​തി​ൽ അ​ക​ൽ​ച്ച​യു​മു​ണ്ട്. ശ്ര​ദ്ധി​ച്ച് നോ​ക്കി ന​ട​ന്നി​ല്ലെ​ങ്കി​ൽ കാ​ൽ​പാ​ദം സ്ലാ​ബി​നി​ട​യി​ൽ​ക്കു​ടു​ങ്ങും. പ്ര​ദേ​ശ​ത്ത് പു​ല്ലു​വ​ള​ർ​ന്ന​തി​നാ​ൽ ആ​റി​ന​രി​കി​ലൂ​ടെ​യേ ന​ട​ക്കാ​നാ​കൂ. സ്ലാ​ബി​ട്ട ന​ട​പ്പു​വ​ഴി​യാ​രം​ഭി​ക്കു​ന്നി​ട​ത്ത് ആ​റ്റി​റ​മ്പി​ൽ ചെ​റു​മ​ര​ങ്ങ​ൾ വ​ള​ർ​ന്ന് പ​ട​ർ​ന്ന് നി​ൽ​പ്പു​ണ്ട്. മ​ര​ക്കൂ​ട്ട​ങ്ങ​ളു​ള്ള​തി​നാ​ൽ സ​ന്ധ്യ​യാ​കു​മ്പോ​ഴേ പ്ര​ദേ​ശ​ത്ത് പെ​ട്ടെ​ന്ന് ഇ​രു​ട്ടാ​കും.

16ഓ​ളം കു​ടും​ബ​ങ്ങ​ളും നി​ര​വ​ധി വ്യാ​പാ​ര​സ്ഥാ​പ​ന​ങ്ങ​ളി​ലെ ആ​ളു​ക​ളും ആ​ശ്ര​യി​ക്കു​ന്ന വ​ഴി​യാ​ണി​ത്. റോ​ഡ്​ അ​റ്റ​കു​റ്റ​പ​ണി​ക​ൾ ന​ട​ത്തി യാ​ത്രാ​സൗ​ക​ര്യ​മൊ​രു​ക്ക​ണ​മെ​ന്ന്​ പ​രാ​തി​ക​ൾ ഉ​യ​രു​ന്നു​ണ്ടെ​ങ്കി​ലും അ​ധി​കൃ​ത​രി​ൽ നി​സ്സം​ഗ​ത​യെ​ന്നാ​ണ്​ പ്ര​ദേ​ശ​വാ​സി​ക​ളു​ടെ പ​രാ​തി.