പാചകവാതക സിലിണ്ടറുമായി വന്ന വാഹനം മറിഞ്ഞു

കുമരകം: കവണാറ്റിന്‍കരയില്‍ പാചകവാതക സിലിണ്ടറുമായി വന്ന വാഹനം മറിഞ്ഞു. അപകടത്തില്‍ പരിക്കേറ്റ ഡ്രൈവരെ സ്വകാര്യ ആശുപത്രിയിലേക്ക് മാറ്റി. കൂടെയുണ്ടായിരുന്നയാള്‍ പരിക്കുകളില്ലാതെ രക്ഷപ്പെട്ടു.

കോട്ടയത്തുനിന്ന് വൈക്കത്തേക്കുപോയ വാഹനം കവണാറ്റിൻകര താജ് ഹോട്ടലിന് സമീപം റോഡിൽനിന്ന് തെന്നി നിയന്ത്രണംവിട്ട് മറിയുകയായിരുന്നു. കുമരകം പൊലീസ് സ്ഥലത്തെത്തി. തുടർന്ന് കോട്ടയത്തുനിന്ന് അഗ്നിരക്ഷസേന എത്തി വാഹനം നീക്കംചെയ്തു.