ഫ്രീ ബേഡ്‌സിലെ കുട്ടികൾക്ക്​ വിനോദകേന്ദ്രമായി

കോഴിക്കോട്​: ആം ഓഫ്​ ജോയി നിരാലംബരായ കുട്ടികൾക്കായി നടത്തുന്ന ഫ്രീ ബേഡ്‌സിലെ ആൺകുട്ടികൾക്ക്​ പഠനത്തിനും വിനോദത്തിനുമുള്ള സംവിധാനം ഒരുക്കി. പ്രവാസി ദമ്പതികളായ നിമ്‌ന-ബിനീഷ് എന്നിവർ നൽകിയ ആറര ലക്ഷം ഉപയോഗിച്ചാണ്​ വിനോദകേന്ദ്രം പൂർത്തീകരിച്ചത്. കോർപറേഷൻ വിദ്യാഭ്യാസ-കായിക സ്റ്റാൻഡിങ് കമ്മിറ്റി ചെയർപേഴ്‌സൻ സി. രേഖ കുട്ടികൾക്കായി സമ്മാനിച്ചു. സംഭാവനകൾ ഒരു കോടി രൂപ കവിഞ്ഞതിന്‍റെ ആഘോഷപരിപാടികളും നടന്നു. കുട്ടികളുടെ കലാപരിപാടികൾ നടന്നു. ഗാനമേള, സിനിമാറ്റിക് ഡാൻസ് എന്നിവയും അരങ്ങേറി.