സന്തോഷ് ട്രോഫിതാരം പി.എൻ. നൗഫലിന് ജന്മനാടിന്റെ സ്വീകരണം

തിരുവമ്പാടി: സന്തോഷ് ട്രോഫി കേരള ടീമംഗം പി.എൻ. നൗഫലിന് ജന്മനാടായ തിരുവമ്പാടിയിൽ ഉജ്ജ്വല സ്വീകരണം. ഗ്രാമപഞ്ചായത്തിന്റെയും കോസ്മോസ് ക്ലബിന്റെയും നേതൃത്വത്തിലായിരുന്നു സ്വീകരണം. യു.സി മുക്ക് ജങ്ഷനിൽനിന്ന് തിരുവമ്പാടി ടൗണിലേക്ക് ബാൻഡ് മേളങ്ങളുടെ അകമ്പടിയിൽ തുറന്ന വാഹനത്തിൽ പി.എൻ. നൗഫലിനെ ആനയിച്ചു. അനുമോദനസംഗമം ലിന്റോ ജോസഫ് എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് മേഴ്സി പുളിക്കാട്ട് അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് കെ.എ. അബ്ദുറഹിമാൻ, ജനപ്രതിനിധികളും സംഘടനാ പ്രതിനിധികളുമായ ലിസി മാളിയേക്കൽ, റംല ചോലക്കൽ, ബോസ് ജേക്കബ്, ജോളി ജോസഫ്, ബാബു പൈക്കാട്ടിൽ, പി.ടി. അഗസ്റ്റിൽ, ഷൗക്കത്തലി കൊല്ലളത്തിൽ, കെ. മുഹമ്മദലി സഫർ, നിയാസ് ഖാൻ, കെ.എം. ഫ്രാൻസിസ്, പി.എൻ. നൗഫൽ, നിയാസ് പുള്ളിയിൽ എന്നിവർ സംസാരിച്ചു. ------------------- * Thiru 4 Ko : സന്തോഷ് ട്രോഫി താരം പി.എൻ. നൗഫലിന് ജന്മനാടായ തിരുവമ്പാടിയിൽ നൽകിയ സ്വീകരണം