സർവേക്ക് തുടക്കമായി

നാദാപുരം: സംസ്ഥാന സർക്കാർ ആവിഷ്കരിച്ച എന്റെ തൊഴിൽ, എന്റെ അഭിമാനം പദ്ധതിയുടെ വാർഡ്തല സർവേയുടെ നാദാപുരം ഗ്രാമപഞ്ചായത്ത്തല ഉദ്ഘാടനം കക്കംവള്ളിയിൽ നടന്നു. തെരുവത്ത് അസീസിന്റെ വീട്ടിൽ ഗ്രാമപഞ്ചായത്ത് പ്രസിഡന്റ് വി.വി. മുഹമ്മദലി ഉദ്ഘാടനം നിർവഹിച്ചു. ഗ്രാമപഞ്ചായത്തിലെ 22 വാർഡിലും കുടുംബശ്രീ എന്യൂമറേറ്റർമാരാണ് സർവേ നടത്തുന്നത്. ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് അഖില മര്യാട്ട്, സ്റ്റാൻഡിങ് കമ്മിറ്റി ചെയർമാൻമാരായ സി.കെ. നാസർ, എം.സി. സുബൈർ, വാർഡ് വികസനസമിതി കൺവീനർ ഹാരിസ് മാത്തോട്ടത്തിൽ, കുടുംബശ്രീ പ്രവർത്തകർ എന്നിവർ പങ്കെടുത്തു.