രാജപാതയിലെ കവലകളിൽ പൂക്കാലം

കോ​ഴി​ക്കോ​ട്: ന​ഗ​ര​ത്തി​ലെ രാ​ജ​പാ​ത​ക​ൾ​ക്ക് അ​ല​ങ്കാ​ര​മാ​യി പൂ​ക്ക​ളും ചെ​ടി​ക​ളും നി​റ​ഞ്ഞ ക​വ​ല​ക​ൾ. ചൂ​ടും ​വേ​വും നി​റ​ഞ്ഞ റോ​ഡു​ക​ളി​ൽ യാ​ത്ര​ക്കാ​ർ​ക്ക് മ​നം കു​ളി​രു​ന്ന അ​നു​ഭ​വ​മാ​വു​ക​യാ​ണ് കോ​ഴി​ക്കോ​ട് കാ​ര​പ്പ​റ​മ്പ് -ക​ല്ലു​ത്താ​ൻ​ക​ട​വ് റോ​ഡി​ലെ ജ​ങ്ഷ​നു​ക​ൾ.

സി​റ്റി റോ​ഡ് ഇം​പ്രൂ​വ്മെ​ന്റ് പ​ദ്ധ​തി​യി​ൽ യു.​എ​ൽ.​സി.​സി നി​ർ​മി​ച്ച റോ​ഡു​ക​ളി​ലാ​ണ് പ​രി​പാ​ല​ന​ത്തി​ന്റെ ഭാ​ഗ​മാ​യി വ​ർ​ണാ​ഭ​മാ​യ പൂ​ക്ക​ളും ചെ​ടി​ക​ളു​മൊ​രു​ക്കു​ന്ന​ത്. കാ​ര​പ്പ​റ​മ്പ്, എ​ര​ഞ്ഞി​പ്പാ​ലം പു​തി​യ​റ, അ​ര​യി​ട​ത്തു​പാ​ലം, ക​ല്ലു​ത്താ​ൻ ക​ട​വ് ജ​ങ്ഷ​നു​ക​ളി​ലാ​ണ് ബോ​ഗ​ൻ​വി​ല്ല മെ​ല​സ്റ്റോ​മ, എ​ക്സി​കോ​ളി​മ തു​ട​ങ്ങി​യ പൂ​ച്ചെ​ടി​ക​ളും ക്രോ​ട്ട​ൺ​പ്ലാ​ന്റ്സും വെ​ച്ച് മ​നോ​ഹ​ര​മാ​ക്കി​യി​രി​ക്കു​ന്ന​ത്.

പ​രി​പാ​ല​ന​ക​രാ​റി​ൽ പ​റ​യാ​ത്ത​താ​ണ് ഈ ​പ​ദ്ധ​തി​യെ​ന്ന് പ്രോ​ജ​ക്ട് എ​ൻ​ജി​നീ​യ​ർ പ​റോ​ളി അ​ജി​ത്ത് കു​മാ​ർ ‘മാ​ധ്യ​മ’​ത്തോ​ട് പ​റ​ഞ്ഞു. പ​രീ​ക്ഷ​ണ​മെ​ന്ന നി​ല​യി​ലാ​ണ് ഈ ​റോ​ഡ് ചെ​ടി​ക​ൾ​വെ​ച്ച് സൗ​ന്ദ​ര്യ​വ​ത്ക​രി​ച്ച​ത്. 300 ചെ​ടി​ച്ച​ട്ടി​ക​ൾ ജ​ങ്ഷ​നു​ക​ളി​ലെ കൈ​വ​രി​ക​ളി​ൽ സ്ഥാ​പി​ച്ചി​ട്ടു​ണ്ട്.

ഇ​ത് ന​ന​ക്കാ​നും പ​രി​ച​രി​ക്കാ​നും പ്ര​ത്യേ​കം തൊ​ഴി​ലാ​ളി​ക​ളെ ഏ​ർ​പ്പെ​ടു​ത്തി​യി​ട്ടു​ണ്ട്. പ​രി​പാ​ല​ന ക​രാ​ർ​പ്ര​കാ​രം റോ​ഡ​രി​കി​ൽ ഇ​ല​ച്ചെ​ടി​ക​ളും ജ​ങ്ഷ​നു​ക​ളി​ൽ ലോ​ണു​ക​ളു​മു​ണ്ട്. ഇ​ത് പ​രി​പാ​ലി​ക്കു​ന്ന ടീം ​ത​ന്നെ​യാ​ണ് ക​വ​ല​ക​ളി​ലെ ചെ​ടി​ച്ച​ട്ടി​ക​ളും പ​രി​പാ​ലി​ക്കു​ന്ന​ത്. യു.​എ​ൽ.​സി.​സി ചെ​യ​ർ​മാ​ൻ ര​മേ​ശ​ൻ പാ​ലേ​രി​യു​ടെ പ്ര​​ത്യേ​ക താ​ൽ​പ​ര്യ​പ്ര​കാ​ര​മാ​ണ് ഇ​വ സ്ഥാ​പി​ച്ച​ത്.

അ​ദ്ദേ​ഹ​ത്തി​ന്റെ അ​നു​മ​തി കി​ട്ടി​യാ​ൽ മ​റ്റ് പാ​ത​ക​ളി​ലും ഇ​തു​പോ​ലെ സൗ​ന്ദ​ര്യ​വ​ത്ക​ര​ണം ന​ട​ത്തു​മെ​ന്ന് പ്രോ​ജ​ക്ട് എ​ൻ​ജി​നീ​യ​ർ പ​റ​ഞ്ഞു. ‘ഊ​രാ​ളു​ങ്ക​ൽ കാ​ലി​ക്ക​റ്റ് സി​റ്റി ഇ​ൻ​ഫ്രാ​സ്ട്ര​ക്ച​ർ ഡെ​വ​ല​പ്മെ​ന്റ് ​പ്രോ​ജ​ക്ട്’ എ​ന്ന ​ക​മ്പ​നി​ക്ക് കീ​ഴി​ലാ​ണ് സി​റ്റി റോ​ഡ് ഇം​പ്രൂ​വ്മെ​ന്റ് പ​ദ്ധ​തി പ്ര​കാ​ര​മു​ള്ള റോ​ഡു​ക​ൾ.

പു​ഷ്പ ജ​ങ്ഷ​ൻ-​മാ​ങ്കാ​വ്, സ്റ്റേ​ഡി​യം-​പു​തി​യ​റ, ഗാ​ന്ധി റോ​ഡ്-​മി​നി ബൈ​പാ​സ്, പ​നാ​ത്ത് താ​ഴം-​സി.​ബ്ല്യു ആ​ർ.​ഡി.​എം, കോ​വൂ​ർ-​വെ​ള്ളി​മാ​ട്കു​ന്ന് റോ​ഡു​ക​ളും ഈ ​പ​ദ്ധ​തി​യി​ൽ​പെ​ടും. 2018ഓ​ടെ​യാ​ണ് സി​റ്റി റോ​ഡ് ഇം​പ്രൂ​വ്മെ​ന്റ് പ​ദ്ധ​തി​പ്ര​കാ​രം റോ​ഡു​ക​ൾ നി​ർ​മി​ച്ച​ത്.

20 വ​ർ​ഷ​ത്തേ​ക്ക് പ​രി​പാ​ല​ന​ക്ക​രാ​ർ ഉ​ൾ​പ്പെ​ടു​ന്ന​താ​ണ് പ​ദ്ധ​തി. പ​രി​പാ​ല​ന​ത്തി​ന്റെ ഭാ​ഗ​മാ​യി റോ​ഡി​ലെ മാ​ലി​ന്യം നീ​ക്ക​ല​ട​ക്കം ഉ​ൾ​പ്പെ​ടും. റോ​ഡി​ലെ മ​ണ്ണ​ട​ക്കം നീ​ക്കം​ചെ​യ്യാ​ൻ പ്ര​​ത്യേ​ക സ്വീ​പി​ങ് മെ​ഷീ​ൻ ഉ​പ​യോ​ഗി​ക്കു​ന്നു​ണ്ട്. അ​തു​കൊ​ണ്ട് ടാ​റി​ങ് എ​ന്നും പു​തു​മ​യോ​ടെ നി​ല​നി​ർ​ത്താ​നാ​വും. ന​ഗ​ര​ത്തി​ന് അ​ഭി​മാ​ന​മാ​ണ് മ​നോ​ഹ​ര​മാ​യ ഇ​ത്ത​രം റോ​ഡു​ക​ൾ.

റോ​ഡി​ലെ ത​ട​സ്സ​ങ്ങ​ളും കേ​ടു​പാ​ടു​ക​ളും അ​ധി​കൃ​ത​രെ അ​റി​യി​ക്കാ​ൻ പ്ര​​​ത്യേ​ക ടോ​ൾ​ഫ്രീ ന​മ്പ​റു​ണ്ട്. 18004250163 ന​മ്പ​റി​ൽ വി​ളി​ച്ചാ​ൽ എ​മ​ർ​ജ​ൻ​സി റെ​സ്​​പോ​ൺ​സ് പ്രോ​ട്ടോ​കോ​ൾ ടീം (​ഇ.​ആ​ർ.​പി ടീം) ​ഉ​ട​ൻ ന​ട​പ​ടി സ്വീ​ക​രി​ക്കും. ഇ​നി ഒ​മ്പ​ത​ര വ​ർ​ഷം​കൂ​ടി ഈ ​പ​രി​പാ​ല​നം ഉ​ണ്ടാ​വും. ക​രാ​ർ കാ​ലാ​വ​ധി ക​ഴി​ഞ്ഞാ​ൽ റോ​ഡ് പി.​ഡ​ബ്ല്യു.​ഡി​ക്ക് കൈ​മാ​റും. ന​ഗ​ര​ത്തി​ലെ മ​റ്റ് തെ​രു​വു​ക​ളി​ൽ വി​വി​ധ സം​ഘ​ട​ന​ക​ൾ ചെ​ടി​ച്ച​ട്ടി​ക​ൾ സ്ഥാ​പി​ച്ചി​ട്ടു​ണ്ട്. പ​രി​പാ​ല​ന​മി​ല്ലാ​തെ പ​ല​തും ന​ശി​ക്കു​ക​യാ​ണ്.