വിടാ​തെ മഴക്കെടുതി

ഓടിക്കൊണ്ടിരുന്ന കാറിനു മുകളിൽ മരം വീണു; യാത്രക്കാർ അത്ഭുതകരമായി രക്ഷപ്പെട്ടു

മു​ക്കം: ഓ​ടി​ക്കൊ​ണ്ടി​രു​ന്ന കാ​റി​നു മു​ക​ളി​ലേ​ക്ക് റോ​ഡ​രി​കി​ലെ മ​രം പൊ​ട്ടി​വീ​ണു. കാ​ർ യാ​ത്രി​ക​ർ ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്. ഇ​ന്ന​ലെ വൈ​കീ​ട്ട് മൂ​ന്ന​ര​യോ​ടെ മു​ക്കം-​കോ​ഴി​ക്കോ​ട് റോ​ഡി​ൽ മാ​മ്പ​റ്റ​യി​ൽ ട്രാ​ൻ​സ്ഫോ​മ​റി​ന​ടു​ത്താ​ണ് അ​പ​ക​ടം. കാ​റ്റി​ലും മ​ഴ​യി​ലും റോ​ഡ​രി​കി​ലെ ആ​ൽ​മ​രം കാ​റി​ന് മു​ക​ളി​ലേ​ക്ക് പൊ​ട്ടി​വീ​ഴു​ക​യാ​യി​രു​ന്നു. മ​രം വീ​ണ​ത് കാ​റി​ന്റെ ബോ​ണ​റ്റി​ലേ​ക്കാ​യ​തി​നാ​ലാ​ണ് യാ​ത്ര​ക്കാ​ർ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ട​ത്.

മാ​മ്പ​റ്റ​യി​ലെ സ്വ​കാ​ര്യ മെ​ഡി​ക്ക​ൽ കോ​ള​ജി​ൽ​നി​ന്ന് പി.​ടി.​എ യോ​ഗം ക​ഴി​ഞ്ഞ് നാ​ട്ടി​ലേ​ക്ക് മ​ട​ങ്ങു​ക​യാ​യി​രു​ന്ന തി​രൂ​ര​ങ്ങാ​ടി ത​ഹ​സി​ൽ​ദാ​ർ സാ​ദി​ഖും കു​ടും​ബ​വു​മാ​ണ് കാ​റി​ലു​ണ്ടാ​യി​രു​ന്ന​തെ​ന്നാ​ണ് വി​വ​രം. റോ​ഡി​ൽ ഒ​രു മ​ണി​ക്കൂ​റോ​ളം ഗ​താ​ഗ​തം ത​ട​സ്സ​പ്പെ​ട്ടു. മു​ക്കം അ​ഗ്നി​ര​ക്ഷ സേ​നാ നി​ല​യ​ത്തി​ൽ​നി​ന്ന് ഗ്രേ​ഡ് അ​സി. സ്റ്റേ​ഷ​ൻ ഓ​ഫി​സ​ർ പ​യ​സ് അ​ഗ​സ്റ്റി​ൻ, അ​ഗ്നി​ര​ക്ഷ ഓ​ഫി​സ​ർ​മാ​രാ​യ കെ.​പി. അ​മീ​റു​ദ്ദീ​ൻ, കെ. ​ര​ജീ​ഷ്, കെ.​എ. ഷിം​ജു, കെ.​പി. അ​ജേ​ഷ്, ഹോം​ഗാ​ർ​ഡ് ടി. ​ര​വീ​ന്ദ്ര​ൻ എ​ന്നി​വ​ര​ട​ങ്ങി​യ സം​ഘ​മെ​ത്തി​യാ​ണ് റോ​ഡി​ൽ നി​ന്നും മ​രം മു​റി​ച്ചു​മാ​റ്റി ഗ​താ​ഗ​തം പു​നഃ​സ്ഥാ​പി​ച്ച​ത്.

ശക്തമായ കാറ്റിൽ വാഹനങ്ങളുടെ മുകളിൽ മരം പൊട്ടിവീണു

താ​മ​ര​ശ്ശേ​രി: വ്യാ​ഴാ​ഴ്ച വൈ​കീ​ട്ട് വീ​ശി​യ​ടി​ച്ച ശ​ക്ത​മാ​യ കാ​റ്റി​ൽ പു​തി​യ ബ​സ് സ്റ്റാ​ൻ​ഡി​നു സ​മീ​പം നി​ർ​ത്തി​യി​ട്ട വാ​ഹ​ന​ങ്ങ​ളു​ടെ മു​ക​ളി​ലേ​ക്ക് മ​ര​ങ്ങ​ൾ പൊ​ട്ടി​വീ​ണു. ഏ​താ​നും വാ​ഹ​ന​ങ്ങ​ൾ​ക്ക് കേ​ടു​പാ​ടു​ക​ൾ സം​ഭ​വി​ച്ചു.