പിണറായിയുടെ ഭാര്യാസഹോദരിയുടെ വീട്ടിലെ മോഷണം; ഡി.വി.ആർ കണ്ടെത്തി

വ​ട​ക​ര: മു​ഖ്യ​മ​ന്ത്രി പി​ണ​റാ​യി വി​ജ​യ​ന്റ ഭാ​ര്യാ​സ​ഹോ​ദ​രി​യു​ടെ വീ​ട്ടി​ലെ മോ​ഷ​ണ​ശ്ര​മ​ത്തി​ലും അ​യ​ൽ​വാ​സി​യു​ടെ സ്വ​ർ​ണ​വും പ​ണ​വും ക​വ​ർ​ന്ന കേ​സി​ലും പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. മോ​ഷ്ടാ​ക്ക​ൾ ത​ക​ർ​ത്ത സി.​സി.​ടി.​വി​യു​ടെ ഡി.​വി.​ആ​ർ ക​ണ്ടെ​ത്തി.

മു​ഖ്യ​മ​ന്ത്രി​യു​ടെ ഭാ​ര്യ ക​മ​ല​യു​ടെ സ​ഹോ​ദ​രി പ്രേ​മ​ല​ത​യു​ടെ ക​ണ്ണൂ​ക്ക​ര ഒ​ഞ്ചി​യം റോ​ഡി​ലെ വീ​ട്ടി​ലാ​ണ് മോ​ഷ​ണ​ശ്ര​മ​മു​ണ്ടാ​യ​ത്. വീ​ട്ടി​ൽ സ്ഥാ​പി​ച്ച സി.​സി.​ടി.​വി കാ​മ​റ​ക​ൾ മോ​ഷ്ടാ​ക്ക​ൾ ത​ക​ർ​ത്തി​രു​ന്നു. ത​ക​ർ​ത്ത കാ​മ​റ​യു​ടെ ഡി.​വി.​ഡി വീ​ടി​ന​ടു​ത്തു​ള്ള കി​ണ​റ്റി​ൽ​നി​ന്ന് ക​ണ്ടെ​ത്തി.

മോ​ഷ്ടാ​ക്ക​ളു​ടെ വി​വ​ര​ങ്ങ​ൾ ഇ​തി​ൽ​നി​ന്ന് ല​ഭി​ക്കു​മെ​ന്ന വി​ശ്വാ​സ​ത്തി​ൽ പൊ​ലീ​സ് ഡി.​വി.​ഡി പ​രി​ശോ​ധ​ന​ക്ക് വി​ധേ​യ​മാ​ക്കും. അ​യ​ൽ​ക്കാ​രാ​യ ക​ല്ലേ​രി രാ​മ​ദാ​സ​ന്റ വീ​ട്ടി​ൽ​നി​ന്നും ആ​റ് പ​വ​ൻ സ്വ​ർ​ണ​വും ഏ​ഴാ​യി​രം രൂ​പ​യും മോ​ഷ​ണം പോ​യി​രു​ന്നു. രാ​മ​ദാ​സ​ൻ വീ​ട് പൂ​ട്ടി ക​ഴി​ഞ്ഞ ദി​വ​സം വൈ​കീ​ട്ട് അ​മ്പ​ല​ത്തി​ൽ പോ​യി തി​രി​ച്ചെ​ത്തി​യ​പ്പോ​ഴാ​ണ് വീ​ട് കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ​ത്.

മു​ഖ്യ​മ​ന്ത്രി​യു​ടെ ഭാ​ര്യാ​സ​ഹോ​ദ​രി പ്രേ​മ​ല​ത​യും ഭ​ർ​ത്താ​വ് ദാ​മോ​ദ​ര​നും വീ​ട്ടി​ൽ ഉ​ണ്ടാ​യി​രു​ന്നി​ല്ല. അ​യ​ൽ​വീ​ട്ടി​ൽ മോ​ഷ​ണം ന​ട​ന്ന​ത​റി​ഞ്ഞ് ബ​ന്ധു ന​ട​ത്തി​യ പ​രി​ശോ​ധ​ന​യി​ലാ​ണ് മോ​ഷ​ണ​ശ്ര​മം അ​റി​ഞ്ഞ​ത്. ചോ​മ്പാ​ല സി.​ഐ സ​ന്തോ​ഷ് കു​മാ​റാ​ണ് കേ​സ് അ​ന്വേ​ഷി​ക്കു​ന്ന​ത്. അ​ന്വേ​ഷ​ണ​ത്തി​ന് പ്ര​ത്യേ​ക സ്ക്വാ​ഡ് രൂ​പ​വ​ത്ക​രി​ച്ചി​ട്ടു​ണ്ട്.