വിപുലമായ പരിപാടികളോടെ ഭിന്നശേഷി നിനാചരണം

ഏലംകുളം: ജി.എച്ച്.എസ്.എസ് കുന്നക്കാവ് സ്​റ്റുഡൻറ്​ പൊലീസ് കാഡറ്റ് യൂനിറ്റ്​ ആഭിമുഖ്യത്തിൽ ലോക ഭിന്നശേഷി ദിനം ആചരിച്ചു. ഭിന്നശേഷിക്കാരായ വിദ്യാർഥികളുടെ വീടുകൾ സന്ദർശിക്കുകയും സമ്മാനപ്പൊതികൾ കൈമാറുകയും ചെയ്തു. പാട്ടുകളും കളികളുമായി അൽപസമയം അവരോടൊത്ത് ചെലവഴിച്ചാണ് കാഡറ്റുകൾ പിരിഞ്ഞത്. ഹെഡ്മാസ്​റ്റർ കെ. സ്രാജുട്ടി ഉദ്ഘാടനം നിർവഹിച്ചു. അധ്യാപകരായ കെ. ഷീല, കെ.സി. രമ്യ, എം. സതീഷ്, കെ. ജുനൈസ്, ഉല്ലാസ്, കമ്യൂണിറ്റി പൊലീസ് ഓഫിസർ പി. അബ്​ദുസ്സമദ്, എ.സി.പി ഒ. സുജ വാസുദേവ് എന്നിവർ നേതൃത്വം നൽകി.