വേ​ണം മ​ല​പ്പു​റ​ത്തി​ന്​ കൂ​ടു​ത​ൽ ആന വണ്ടി

കെ.​എ​സ്.​ആ​ർ.​ടി.​സി സാ​ന്നി​ധ്യം കു​റ​വാ​യ ജി​ല്ല​യി​ലേ​ക്ക്​ കൂ​ടു​ത​ൽ ട്രാ​ൻ​സ്പോ​ർ​ട്ട്​ ബ​സു​ക​ൾ ന​ൽ​കു​മെ​ന്നു​ള്ള സ​ർ​ക്കാ​ർ വാ​ഗ്ദാ​ന​ങ്ങ​ൾ​ക്ക്​ പ​ഞ്ഞ​മി​ല്ല. എ​ന്നാ​ൽ, യാ​ഥാ​ർ​ഥ്യം മ​റി​ച്ചാ​ണ്. ജി​ല്ല ആ​സ്ഥാ​ന​ത്തെ ഡി​പ്പോ​യെ​ന്ന പ​രി​ഗ​ണ​ന​പോ​ലും മ​ല​പ്പു​റ​ത്തി​ന്​ ഒ​രി​ക്ക​ൽ​പോ​ലും കി​ട്ടി​യി​ട്ടി​ല്ല. തി​ക​ഞ്ഞ അ​വ​ഗ​ണ​ന​യാ​ണ്​ എ​ല്ലാ​കാ​ല​ത്തും.

‘ആ​ന​വ​ണ്ടി’​യു​ടെ സാ​ന്നി​ധ്യം താ​ര​ത​മ്യേ​ന കു​റ​വു​ള്ള ജി​ല്ല​യി​ൽ കോ​വി​ഡ്​​കാ​ല​ത്ത്​ ബ​സു​ക​ളു​ടെ എ​ണ്ണം വീ​ണ്ടും വെ​ട്ടി​ച്ചു​രു​ക്കി. ജ​ന​പ്രി​യ​മാ​യി​രു​ന്ന തി​രൂ​ർ-​മ​ഞ്ചേ​രി ചെ​യി​ൻ സ​ർ​വി​സ്​​ പൊ​ടു​ന്ന​നെ​യാ​ണ്​ അ​വ​സാ​നി​പ്പി​ച്ച​ത്. 15 മു​ത​ൽ 20 വ​രെ ബ​സു​ക​ൾ ഓ​ടി​യി​രു​ന്ന റൂ​ട്ടാ​യി​രു​ന്നു ഇ​ത്. വെ​ട്ടം-​തി​രൂ​ർ-​മ​ഞ്ചേ​രി, കൂ​ട്ടാ​യി-​തി​രൂ​ർ-​മ​ല​പ്പു​റം, മ​ല​പ്പു​റം-​ഗു​രു​വാ​യൂ​ർ-​എ​റ​ണാ​കു​ളം ബോ​ട്ട്​​ ജെ​ട്ടി സ​ർ​വി​സു​ക​ൾ അ​പ്ര​ത്യ​ക്ഷ​മാ​യി.

മ​ല​പ്പു​റം-​ബം​ഗ​ളൂ​രു ബ​സ്​ നി​ന്നു​പോ​യി. ന​ഷ്ടം ഒ​ഴി​വാ​ക്കാ​ൻ മ​ല​പ്പു​റം-​നെ​ടു​മ്പാ​ശ്ശേ​രി ലോ​േ​ഫ്ലാ​ർ സ​ർ​വി​സ്​ കോ​ഴി​ക്കോ​ട്​ വ​ഴി പു​നഃ​ക്ര​മീ​ക​രി​ക്കാ​മാ​യി​രു​ന്നു. തി​രൂ​ർ-​​മ​ഞ്ചേ​രി റൂ​ട്ടി​ൽ മൂ​ന്ന്​ ബ​സു​ക​ൾ മാ​ത്ര​മേ​യു​ള്ളു. അ​തും അ​വ​ധി ദി​വ​സ​ങ്ങ​ളി​ലും ഞാ​യ​റാ​ഴ്ച​യും സ​ർ​വി​സ്​ ന​ട​ത്താ​റു​മി​​ല്ല​ത്രേ. ന​ഷ്ട​മെ​ന്ന്​ വ​രു​ത്തി​യാ​ണ്​ തി​രൂ​ർ-​മ​േ​ഞ്ച​രി ചെ​യി​ൻ സ​ർ​വി​സ്​ നി​ർ​ത്തി​യ​തെ​ന്നാ​ണ്​ അ​റി​വ്. ലാ​ഭ​ക​ര​മ​ല്ലാ​ത്ത​വ പു​നഃ​ക്ര​മീ​ക​രി​ക്ക​ണ​മെ​ന്ന സി.​എം.​ഡി​യു​ടെ ഉ​ത്ത​ര​വി​ന്‍റെ മ​റ​വി​ലാ​യി​രു​ന്നു സ്വ​കാ​ര്യ ബ​സ്​ ലോ​ബി​യെ സ​ഹാ​യി​ക്കു​ന്ന ഈ ​ന​ട​പ​ടി.

ജീ​വ​ന​ക്കാ​രു​ടെ കു​റ​വാ​ണ്​ പ​ഴ​യ സ​ർ​വി​സു​ക​ൾ പു​നഃ​സ്ഥാ​പി​ക്കാ​ൻ ത​ട​സ്സ​മാ​യി പ​റ​യു​ന്ന​ത്. ഇ​തി​നി​ടെ, കെ.​എ​സ്.​ആ​ർ.​ടി.​സി​യു​ടെ ഉ​യ​ർ​ന്ന ക​ല​ക്ഷ​നു​ള്ള സൂ​പ്പ​ർ ഫാ​സ്റ്റ്​ സ​ർ​വി​സു​ക​ൾ സ്വി​ഫ്​​റ്റി​ന്​ വി​ട്ടു​കൊ​ടു​ത്തു​ള്ള തീ​രു​മാ​ന​വും വ​രു​ന്നു​ണ്ട്. മ​ല​പ്പു​റം, പൊ​ന്നാ​നി എ​ന്നി​വി​ട​ങ്ങ​ളി​ലെ മൂ​ന്നും പെ​രി​ന്ത​ൽ​മ​ണ്ണ​യി​ലെ ര​ണ്ടും സ​ർ​വി​സു​ക​ളാ​ണ്​ സ്വി​ഫ്​​റ്റി​ന്​ കൈ​മാ​റി​യ​ത്. മ​ല​പ്പു​റം-​ഊ​ട്ടി ഉ​ൾ​പ്പെ​ടെ ശേ​ഷി​ച്ച ഇ​ന്‍റ​ർ സ്​​റ്റേ​റ്റ്​ സ​ർ​വി​സു​ക​ളും വൈ​കാ​തെ സ്വി​ഫ്​​റ്റ്​ കൈ​യ​ട​ക്കും.

കോ​വി​ഡി​ൽ ബ​സു​ക​ൾ അ​പ്ര​ത്യ​ക്ഷ​മാ​യി

കോ​വി​ഡി​ന്​ മു​മ്പ്​ 47 ഷെ​ഡ്യൂ​ളു​ക​ൾ ഉ​ണ്ടാ​യി​രു​ന്ന മ​ല​പ്പു​റം ഡി​പ്പോ​യി​ൽ ഇ​േ​പ്പാ​ൾ അ​ത്​ 32ലേ​ക്ക്​ ചു​രു​ങ്ങി. പെ​രി​ന്ത​ൽ​മ​ണ്ണ ഡി​പ്പോ-45, പൊ​ന്നാ​നി-45, നി​ല​മ്പൂ​ർ-47 എ​ന്നി​ങ്ങ​നെ​യാ​യി​രു​ന്നു മ​ഹാ​മാ​രി​ക്ക്​ മു​മ്പ് ഷെ​ഡ്യൂ​ളു​ക​ൾ. ഇ​പ്പോ​ൾ അ​ത്​ യ​ഥാ​ക്ര​മം 32, 34, 31 എ​ന്നി​ങ്ങ​നെ​യാ​യി കു​റ​ഞ്ഞു. എ​താ​ണ്ട്​ എ​ല്ലാ ഡി​പ്പോ​ക​ളി​ലും ഒ​ട്ടു​മി​ക്ക ഓ​ർ​ഡി​ന​റി സ​ർ​വി​സു​ക​ളും ഇ​ല്ലാ​താ​യി. പെ​രി​ന്ത​ൽ​മ​ണ്ണ-​വ​ളാ​ഞ്ചേ​രി ചെ​യി​ൻ സ​ർ​വി​സ്​ ഉ​ദാ​ഹ​ര​ണം.

എ​ട​പ്പാ​ൾ റീ​ജ​ന​ൽ വ​ർ​ക്ക്​​ഷോ​പ്പി​ലേ​ക്ക്​ മാ​റ്റി​യ ബ​സു​ക​ളൊ​ന്നും ജി​ല്ല​യി​ലെ ഡി​പ്പോ​ക​ളി​ലേ​ക്ക്​ തി​രി​ച്ചു​വ​ന്നി​ല്ല. ഓ​രോ അ​ര മ​ണി​ക്കൂ​റി​ലും ടൗ​ൺ ടു ​ടൗ​ൺ സ​ർ​വി​സ്​ ഉ​ണ്ടാ​യി​രു​ന്ന വ​ഴി​ക്ക​ട​വ്​-​കോ​ഴി​ക്കോ​ട്​ റൂ​ട്ടി​ൽ ഇ​പ്പോ​ൾ ബ​സു​ക​ൾ നാ​മ​മാ​ത്രം. കാ​ല​ങ്ങ​ളാ​യി യാ​ത്ര​ക്കാ​ർ ആ​വ​ശ്യ​പ്പെ​ടു​ന്ന​താ​ണ്​ ക​രി​പ്പൂ​ർ എ​യ​ർ​പോ​ർ​ട്ട്​ വ​ഴി കോ​ഴി​ക്കോ​ട്​-​മ​ല​പ്പു​റം റൂ​ട്ടി​ലെ സ​ർ​വി​സു​ക​ൾ. കോ​ഴി​ക്കോ​ട്​-​മ​ഞ്ചേ​രി-​പാ​ണ്ടി​ക്കാ​ട്​-​മ​ണ്ണാ​ർ​ക്കാ​ട്​ റൂ​ട്ടി​ലും ബ​സു​ക​ൾ വേ​ണ​മെ​ന്ന ആ​വ​ശ്യം ശ​ക്ത​മാ​ണ്.

മ​ല​പ്പു​റം-​മ​ഞ്ചേ​രി-​അ​രീ​ക്കോ​ട്-​മു​ക്കം, മ​ല​പ്പു​റം-​മ​ഞ്ചേ​രി-​അ​രീ​ക്കോ​ട്-​ഓ​ട​ക്ക​യം റൂ​ട്ടു​ക​ളി​ൽ പു​തി​യ ​സ​ർ​വി​സു​ക​ൾ ആ​രം​ഭി​ക്ക​ണ​മെ​ന്ന ആ​വ​ശ്യ​വും ഏ​റെ​യാ​യി ഉ​ള്ള​താ​ണ്. ജി​ല്ല​യി​ൽ കെ.​എ​സ്.​ആ​ർ.​ടി.​സി​ക്ക്​ നാ​ലു ഡി​പ്പോ​ക​ളി​ലാ​യി 170ലേ​റെ ബ​സു​ക​ളും 126 ഷെ​ഡ്യൂ​ളു​ക​ളു​മു​ണ്ട​്. ഓ​രോ വ​ർ​ഷം ക​ഴി​യു​മ്പോ​ഴും ജി​ല്ല​യി​ൽ ഓ​പ​റേ​റ്റ്​ ചെ​യ്യു​ന്ന ബ​സു​ക​ളു​ടെ എ​ണ്ണം താ​ഴോ​ട്ടാ​ണെ​ന്നാ​ണ്​ ക​ണ​ക്കു​ക​ൾ. ജി​ല്ല​യി​ൽ കെ.​എ​സ്.​ആ​ർ.​ടി.​സി മെ​ച്ച​പ്പെ​ടു​ക​യ​ല്ല എ​ന്നാ​ണ്​ ഇ​ത്​ ന​ൽ​കു​ന്ന സൂ​ച​ന.

ഓ​ർ​ഡി​ന​റി എ​വി​ടെ, പൊ​ടി​പോ​ലു​മി​ല്ല!

ഉ​ൾ​നാ​ടു​ക​ളി​ലേ​ക്ക്​ യാ​ത്ര സൗ​ക​ര്യം ഉ​റ​പ്പു​വ​രു​ത്താ​നും വി​ദ്യാ​ർ​ഥി ക​ൺ​സെ​ഷ​ൻ പു​നഃ​സ്ഥാ​പി​ക്കാ​നും കൂ​ടു​ത​ൽ ഓ​ർ​ഡി​ന​റി സ​ർ​വി​സു​ക​ളാ​ണ്​ ആ​വ​ശ്യം. തെ​ക്ക​ൻ ജി​ല്ല​ക​ളി​ൽ യ​ഥേ​ഷ്ട​മു​ള്ള​പ്പോ​ൾ ജി​ല്ല​യി​ൽ രേ​ഖ​യി​ൽ മാ​ത്ര​മേ ഓ​ർ​ഡ​ന​റി വ​ണ്ടി​ക​ളു​ള്ളു. നാ​ലു ഡി​പ്പോ​ക​ളി​ലാ​യി കോ​ർ​പ​റേ​ഷ​ൻ രേ​ഖ​യി​ൽ 77 ഓ​ർ​ഡി​ന​റി സ​ർ​വി​സു​ക​ളു​ണ്ട്. പൊ​ന്നാ​നി-21, നി​ല​മ്പൂ​ർ-15, മ​ല​പ്പു​റം-19, പെ​രി​ന്ത​ൽ​മ​ണ്ണ-22 എ​ന്നി​ങ്ങ​നെ​യാ​ണി​ത്.

എ​ന്നാ​ൽ, ഓ​ർ​ഡി​ന​റി ബ​സു​ക​ളെ​ല്ലാം ജി​ല്ല​യി​ൽ ഓ​ടു​ന്ന​ത്​ ടൗ​ൺ ടു ​ടൗ​ൺ ആ​യി​ട്ടാ​ണ്. വി​ദ്യാ​ർ​ഥി​ക​ൾ​ക്ക്​ ക​ൺ​സെ​ഷ​ൻ നി​ഷേ​ധി​ക്കാ​നു​ള്ള കെ.​എ​സ്.​ആ​ർ.​ടി.​സി​യു​ടെ ക​ൺ​കെ​ട്ടു​വി​ദ്യ​യാ​ണി​ത്. ഓ​ർ​ഡി​ന​റി ആ​യി ഓ​ടു​ന്ന​ത്​ പൊ​ന്നാ​നി-​തി​രൂ​ർ റൂ​ട്ടി​ൽ മാ​ത്ര​മേ​യു​ള്ളു. അ​തും പ​ത്തി​ൽ താ​ഴെ ബ​സു​ക​ൾ. സ​ർ​ക്കാ​ർ ഉ​ത്ത​ര​വ്​ ഉ​ണ്ടാ​യി​ട്ടും ലി​മി​റ്റ​ഡ്​ സ്​​റ്റോ​പ്​ ബ​സു​ക​ളി​ൽ കെ.​എ​സ്.​ആ​ർ.​ടി.​സി ക​ൺ​​സ​ഷ​ൻ ന​ൽ​കു​ന്നു​മി​ല്ല.

വ​ർ​ഷ​ങ്ങ​ളാ​യി കു​ട്ടി​ക​ൾ യാ​ത്ര ചെ​യ്തി​രു​ന്ന പെ​രി​ന്ത​ൽ​മ​ണ്ണ-​വ​ളാ​ഞ്ചേ​രി റൂ​ട്ടി​ലും മ​ഞ്ചേ​രി-​തി​രൂ​ർ റൂ​ട്ടി​ലും ഇ​പ്പോ​ൾ ഒ​രൊ​റ്റ ഓ​ർ​ഡി​ന​റി സ​ർ​വി​സ് പോ​ലു​മി​ല്ല. വാ​ണി​ജ്യ​സാ​ധ്യ​ത​യു​ള്ള കെ​ട്ടി​ട​ങ്ങ​ൾ വി​ക​സി​പ്പി​ച്ച്​ ടി​ക്ക​റ്റി​ത​ര വ​രു​മാ​നം വ​ർ​ധി​പ്പി​ക്കു​ന്ന​തി​നോ​ടൊ​പ്പം ജ​ന​ങ്ങ​ൾ നി​ര​ന്ത​ര​മാ​യി ആ​വ​ശ്യ​പ്പെ​ടു​ന്ന റൂ​ട്ടു​ക​ളി​ൽ കൂ​ടു​ത​ൽ സ​ർ​വി​സു​ക​ൾ ഓ​പ​റേ​റ്റ്​ ചെ​യ്യാ​നും കോ​ർ​പ​റേ​ഷ​ൻ ത​യാ​റാ​ക​ണം. മ​ല​യോ​​ര​​ത്തേ​ക്കും ജ​ന​സാ​ന്ദ്ര​ത​യു​ള്ള തീ​ര​മേ​ഖ​ല​യി​ലേ​ക്കും കൂ​ടു​ത​ൽ ​ബ​സു​ക​ൾ വേ​ണം.

വ​രു​മാ​ന​മു​ണ്ടാ​യി​ട്ടും അ​വ​ഗ​ണ​ന

ക​ല​ക്ഷ​ൻ വ​രു​മാ​ന​ത്തി​ൽ മ​ല​പ്പു​റം ഡി​പ്പോ​യു​ടെ പ്ര​ക​ട​നം എ​പ്പോ​ഴും മി​ക​ച്ച​താ​ണ്​. മ​ഴ സീ​സ​ൺ ആ​യി​ട്ടും ജൂ​ലൈ 17ലെ​ ​വ​രു​മാ​നം എ​ട്ട്​ ല​ക്ഷ​ത്തി​ന്​ മു​ക​ളി​ൽ. ടാ​ർ​ജ​റ്റി​ന്‍റെ 95.70 ശ​ത​മാ​നം. ജി​ല്ല​യി​ലെ നാ​ലു ഡി​പ്പോ​ക​ളി​ൽ വ​രു​മാ​ന​ത്തി​ൽ എ​റ്റ​വും മു​ൻ​പി​ൽ മ​ല​പ്പു​റ​മാ​ണ്. ഉ​ല്ലാ​സ​യാ​ത്ര പാ​ക്കേ​ജി​ലും മി​ന്നും പ്ര​ക​ട​ന​മാ​ണ്. ബ​ജ​റ്റ്​ ടൂ​റി​സം​വ​ഴി കോ​ഴി​ക്കോ​ട്​ ഡി​പ്പോ​യു​ടെ ക​ല​ക്ഷ​ൻ വ​രു​മാ​ന​ത്തി​ന്​ മു​ക​ളി​ലെ​ത്താ​ൻ ഒ​രു ത​വ​ണ മ​ല​പ്പു​റ​ത്തി​നാ​യി.

മ​ല​പ്പു​റം, പെ​രി​ന്ത​ൽ​മ​ണ്ണ, പൊ​ന്നാ​നി, നി​ല​മ്പൂ​ർ ഡി​​പ്പോ​ക​ൾ ഉ​ൾ​പ്പെ​ടു​ന്ന മ​ല​പ്പു​റം ക്ല​സ്റ്റ​റി​ന്‍റെ വ​രു​മാ​ന​വും മോ​ശ​മ​ല്ല. ക​ഴി​ഞ്ഞ 17ലെ ​ക്ല​സ്റ്റ​ർ ക​ല​ക്ഷ​ൻ 24,44,050 രൂ​പ. ടാ​ർ​ജ​റ്റി​ന്‍റെ 82.26 ശ​ത​മാ​നം. 126 ബ​സു​ക​ൾ 531 ട്രി​പ്പു​ക​ൾ ന​ട​ത്തി. ഒ​രു ബ​സി​ൽ​നി​ന്ന് ല​ഭി​ച്ച വ​രു​മാ​നം 19,397 രൂ​പ. ഒ​രു കി​ലോ​മീ​റ്റ​റി​ൽ​നി​ന്ന് ശ​രാ​ശ​രി ല​ഭി​ച്ച വ​രു​മാ​നം (ഇ.​പി.​കെ.​എം) 45.69 രൂ​പ. പ്ര​തി​ദി​നം ശ​രാ​ശ​രി 43,322 യാ​ത്ര​ക്കാ​ർ ജി​ല്ല​യി​ൽ കെ.​എ​സ്.​ആ​ർ.​ടി.​സി​യെ ആ​ശ്ര​യി​ക്കു​ന്നു. തെ​ക്ക​ൻ ജി​ല്ല​ക​ളെ അ​പേ​ക്ഷി​ച്ച്, ബ​സു​ക​ളും ഡി​പ്പോ​ക​ളും കു​റ​വു​ള്ള ജി​ല്ല​യാ​ണ്​ മ​ല​പ്പു​റം. ഡി​പ്പോ​ക​ളു​ടേ​യും ഷെ​ഡ്യൂ​ളു​ക​ളു​ടേ​യും ആ​ധി​ക്യം നി​മി​ത്തം ത​ല​സ്ഥാ​ന ജി​ല്ല​യി​ൽ ര​ണ്ട്​ ക്ല​സ്റ്റ​റു​ക​ളു​ണ്ട്. മ​ല​പ്പു​റം ജി​ല്ല​യി​ൽ ആ​കെ​യു​ള്ള ഷെ​ഡ്യൂ​ളു​ക​ളു​ടെ അ​ത്ര​ത​ന്നെ ബ​സു​ക​ൾ തി​രു​വ​ന​ന്ത​പു​രം സി​റ്റി​യി​ൽ മാ​ത്രം സ​ർ​വി​സ്​ ന​ട​ത്തു​ന്നു.

മ​ല​പ്പു​റം ജി​ല്ല​യി​ൽ ക​ഴി​ഞ്ഞ 20 വ​ർ​ഷ​ത്തി​നി​ടെ പു​തി​യ ഒ​രു ഓ​പ​റേ​റ്റി​ങ് സെ​ന്‍റ​ർ പോ​ലും ആ​രം​ഭി​ച്ചി​ട്ടി​ല്ല. നാ​ലു ഡി​പ്പോ​ക​ളി​ലേ​ക്ക്​ മാ​ത്രം ജി​ല്ല​യി​ലെ കെ.​എ​സ്.​ആ​ർ.​ടി.​സി സാ​ന്നി​ധ്യം പ​രി​മി​ത​പ്പെ​ടു​ന്നു. സം​സ്ഥാ​ന​ത്തെ സ​ർ​വി​സു​ക​ളു​ടെ എ​ണ്ണം 4500ൽ​നി​ന്നും 6000 ആ​യി ഉ​യ​ർ​ത്തു​മ്പോ​ൾ ജ​ന​സം​ഖ്യ കൂ​ടു​ത​ലു​ള്ള ജി​ല്ല എ​ന്ന നി​ല​ക്ക്​ മ​ല​പ്പു​റ​ത്തി​ന്​ കൂ​ടു​ത​ൽ പ​രി​ഗ​ണ​ന ന​ൽ​കു​മെ​ന്ന്​ സി.​എം.​ഡി ബി​ജു പ്ര​ഭാ​ക​ർ ഡി​പ്പോ സ​ന്ദ​ർ​ശ​ന വേ​ള​യി​ൽ പ​റ​ഞ്ഞി​രു​ന്നു. ഈ ​വാ​ക്ക്​ പാ​ലി​ക്കു​മെ​ന്ന പ്ര​തീ​ക്ഷ​യി​ലാ​ണ്​ ജ​നം. (തു​ട​രും)