സ്​കൂട്ടറിൽ കടത്തിയ 100 കു​പ്പി വി​ദേ​ശ​മ​ദ്യ​വു​മാ​യി യു​വാ​വ് പി​ടി​യി​ൽ

നി​ല​മ്പൂ​ർ (മലപ്പുറം): സ്കൂ​ട്ട​റി​ൽ ക​ട​ത്തി​ക്കൊ​ണ്ട് വ​രു​ക​യാ​യി​രു​ന്ന 100 കു​പ്പി വി​ദേ​ശ​മ​ദ‍്യ​വു​മാ​യി യു​വാ​വ് നി​ല​മ്പൂ​ർ എ​ക്സൈ​സി‍െൻറ പി​ടി​യി​ലാ​യി.ചാ​ലി​യാ​ർ പ​ഞ്ചാ​യ​ത്തി​ലെ അ​ക​മ്പാ​ടം മൈ​ലാ​ടി​പ്പൊ​ട്ടി സ്വ​ദേ​ശി വ​ട​ക്കെ​പു​റം മു​ജീ​ബ് റ​ഹ്മാ​നാ​ണ്​ (44) പി​ടി​യി​ലാ​യ​ത്. ഇ​യാ​ൾ സ​ഞ്ച​രി​ച്ച സ്കൂ​ട്ട​റും ക​സ്​​റ്റ​ഡി​യി​ലെ​ടു​ത്തു. മൈ​ലാ​ടി പാ​ല​ത്തി​ന് സ​മീ​പ​ത്തു​വെ​ച്ചാ​ണ് നി​ല​മ്പൂ​ർ റേ​ഞ്ച് എ​ക്സൈ​സ് ഇ​ൻ​സ്പെ​ക്ട​ർ കെ.​ടി. സ​ജി​മോ​നും സം​ഘ​വും ഇ​യാ​ളെ പി​ടി​കൂ​ടി​യ​ത്.

100 കു​പ്പി​ക​ളി​ലാ​യി 50 ലി​റ്റ​ർ ഇ​ന്ത്യ​ൻ നി​ർ​മി​ത വി​ദേ​ശ മ​ദ്യ​മാ​ണ് ഇ​യാ​ളി​ൽ​നി​ന്ന്​ പി​ടി​കൂ​ടി​യ​ത്. നി​യ​മ​സ​ഭ തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച് ബാ​റു​ക​ളും ബി​വ​റേ​ജ് ഔ​ട്ട്​​ലെ​റ്റു​ക​ളും ര​ണ്ടു​ദി​വ​സം അ​വ​ധി​യാ​യ​തി​നാ​ൽ ക​രി​ഞ്ച​ന്ത​യി​ൽ അ​ന​ധി​കൃ​ത മ​ദ്യ​വി​ൽ​പ​ന​ക്ക് സാ​ധ്യ​ത ഉ​ണ്ടെ​ന്ന എ​ക്സൈ​സ് ഇ​ൻ​റ​ലി​ജ​ൻ​സിെൻറ വി​വ​ര​ത്തി‍െൻറ അ​ടി​സ്ഥാ​ന​ത്തി​ൽ നി​ല​മ്പൂ​ർ, ച​ന്ത​ക്കു​ന്ന്, മൈ​ലാ​ടി പ്ര​ദേ​ശ​ങ്ങ​ളി​ൽ എ​ക്സൈ​സ് ന​ട​ത്തി​യ വാ​ഹ​ന പ​രി​ശോ​ധ​ന​ക്കി​ടെ​യാ​ണ് ഇ​യാ​ൾ പി​ടി​യി​ലാ​യ​ത്.

തെ​ര​ഞ്ഞെ​ടു​പ്പ് ഡ്രൈ ​ഡേ​ക​ളി​ൽ വി​ൽ​പ​ന ല​ക്ഷ്യ​മാ​ക്കി ചെ​റു​കി​ട വി​ൽ​പ​ന​ക്കാ​ർ വ​ൻ​തോ​തി​ൽ മ​ദ്യം ശേ​ഖ​രി​ക്കു​ന്ന​താ​യി ഇ​ൻ​റ​ലി​ജ​ൻ​സ് വി​ഭാ​ഗ​ത്തി‍െൻറ ശ്ര​ദ്ധ​യി​ൽ​പെ​ട്ടി​രു​ന്നു. പി​ടി​കൂ​ടി​യ മ​ദ്യം നി​ല​മ്പൂ​ർ ബി​വ​റേ​ജ​സ് കോ​ർ​പ​റേ​ഷ‍ൻ ഔ​ട്ട്​​ലെ​റ്റി​ൽ​നി​ന്ന് പ​ല​പ്പോ​ഴാ​യി മൂ​ന്നു​ലി​റ്റ​ർ വീ​തം വാ​ങ്ങി​യ​താ​ണെ​ന്ന് പ്ര​തി പ​റ​ഞ്ഞു. പ​രി​ശോ​ധ​ന​ക്ക് പ്രി​വ​ൻ​റി​വ് ഓ​ഫി​സ​ർ ടി. ​ഷി​ജു​മോ​ൻ, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ സ​ബി​ൻ ദാ​സ്, പി.​സി. ജ​യ​ൻ, എം.​എ​സ്. നി​ധി​ൻ, വി. ​സ​ച്ചി​ൻ ദാ​സ്, എ​ൻ.​കെ. സ​നീ​റ എ​ന്നി​വ​ർ നേ​തൃ​ത്വം ന​ൽ​കി.