തു​നി​ഞ്ഞി​റ​ങ്ങി പൊ​ലീ​സ്; തിരൂരിൽ വ​ല​യി​ലാ​യ​ത് 45 പേ​ർ

തി​രൂ​ർ: കു​റ്റ​കൃ​ത്യ​ങ്ങ​ൾ ത​ട​യാ​ൻ തി​രൂ​ർ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ക​ഴി​ഞ്ഞ​ദി​വ​സം ന​ട​ത്തി​യ ഒ​രു​ദി​വ​സ​ത്തെ പ്ര​ത്യേ​ക പ​രി​ശോ​ധ​ന​യി​ൽ 36 കേ​സു​ക​ളി​ലാ​യി 45 പേ​ർ പി​ടി​യി​ലാ​യി.അ​ന​ധി​കൃ​ത​മാ​യി മ​ദ്യ​വി​ൽ​പ​ന ന​ട​ത്തി​യ​തി​ന് നാ​ലു​പേ​രെ ച​മ്ര​വ​ട്ടം, കൂ​ട്ടാ​യി, പ​ടി​ഞ്ഞാ​റേ​ക്ക​ര ഭാ​ഗ​ങ്ങ​ളി​ൽ നി​ന്നാ​യി 20 ലി​റ്റ​ർ മ​ദ്യ​വു​മാ​യി പ​രി​ശോ​ധ​ന​യി​ൽ പി​ടി​കൂ​ടി.

ക​ഞ്ചാ​വ് കൈ​വ​ശം വെ​ച്ച​തി​നും ഉ​പ​യോ​ഗി​ച്ച​തി​നും ര​ണ്ടു​പേ​രെ​യും മൂ​ന്ന​ക്ക ന​മ്പ​ർ ലോ​ട്ട​റി ചൂ​താ​ട്ടം ന​ട​ത്തി​യ​തി​ന് ര​ണ്ടു​പേ​രെ​യും ബി.​പി അ​ങ്ങാ​ടി, കു​റ്റൂ​ർ ഭാ​ഗ​ങ്ങ​ളി​ൽ​നി​ന്നും അ​റ​സ്റ്റ് ചെ​യ്തു.പെ​ട്രോ​ൾ ക​രി​ഞ്ച​ന്ത​യാ​യി വി​റ്റ​തി​ൽ ര​ണ്ടു​പേ​രാ​ണ് പി​ടി​യി​ലാ​യ​ത്. ഹാ​ൻ​സ് വി​റ്റ​തി​ന് എ​ട്ട് ക​ച്ച​വ​ട​ക്കാ​രെ​യും പൊ​തു​സ്ഥ​ല​ത്ത് മ​ദ്യ​പാ​നം ന​ട​ത്തി​യ 15 പേ​രെ​യും പി​ടി​കൂ​ടി.

പ​ണം​വെ​ച്ച് ശീ​ട്ട്, ത​മ്പോ​ല ക​ളി ന​ട​ത്തി​യ ഇ​രു​പ​തോ​ളം പേ​രെ അ​റ​സ്റ്റ് ചെ​യ്തു.മ​ദ്യ​പി​ച്ച് വാ​ഹ​നം ഓ​ടി​ച്ച​തി​ന് മൂ​ന്നു​പേ​രും പി​ടി​യി​ലാ​യി. മോ​ട്ടോ​ർ വാ​ഹ​ന നി​യ​മ​ലം​ഘ​നം ന​ട​ത്തി​യ​തി​ന് 525 വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി​യെ​ടു​ത്ത് 2,68,000 രൂ​പ പി​ഴ​യീ​ടാ​ക്കി. നി​യ​മ​ലം​ഘ​നം തു​ട​രു​ന്ന വാ​ഹ​ന​ങ്ങ​ൾ വീ​ണ്ടും പി​ടി​ച്ചെ​ടു​ത്ത് ലൈ​സ​ൻ​സ് റ​ദ്ദ് ചെ​യ്യാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​മെ​ന്ന് തി​രൂ​ർ പൊ​ലീ​സ് അ​റി​യി​ച്ചു.

പ​രി​ശോ​ധ​ന​ക്ക് തി​രൂ​ർ ഡി​വൈ.​എ​സ്.​പി കെ.​എം. ബി​ജു, ഇ​ൻ​സ്പെ​ക്ട​ർ എം.​ജെ. ജി​ജോ, എ​സ്.​ഐ പ്ര​ദീ​പ്കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ 30 പൊ​ലീ​സ് ഉ​ദ്യോ​ഗ​സ്ഥ​ർ ഒ​രു​ദി​വ​സം മു​ഴു​വ​ൻ നീ​ളു​ന്ന പ​രി​ശോ​ധ​ന​യി​ൽ പ​ങ്കെ​ടു​ത്തു. മ​ജി​സ്ട്രേ​റ്റ് മു​മ്പാ​കെ ഹാ​ജ​രാ​ക്കി​യ മ​ദ്യ വി​ൽ​പ​ന, ലോ​ട്ട​റി കേ​സ് പ്ര​തി​ക​ളെ റി​മാ​ൻ​ഡ് ചെ​യ്തു.