സി.പി.എം ബ്രാഞ്ച് സമ്മേളനങ്ങളില്‍ സംഘടന രേഖ പാലിക്കുന്നില്ലെന്ന് ആക്ഷേപം

പാ​ല​ക്കാ​ട്: സി.​പി.​എം ക​ണ്ണാ​ടി ലോ​ക്ക​ൽ ക​മ്മി​റ്റി​ക്ക് കീ​ഴി​ലു​ള്ള ബ്രാ​ഞ്ച് സ​മ്മേ​ള​ന​ങ്ങ​ളി​ല്‍ പാ​ര്‍ട്ടി മാ​ര്‍ഗ​രേ​ഖ പാ​ലി​ക്കു​ന്നി​ല്ലെ​ന്ന് പ​രാ​തി. 27 എ​ണ്ണം പൂ​ർ​ത്തി​യാ​ക്കി​യ​പ്പോ​ൾ പ​ല ബ്രാ​ഞ്ചു​ക​ളി​ലും മ​ത്സ​രം ന​ട​ന്നി​ല്ല. മാ​ത്ര​മ​ല്ല, മ​ത്സ​രം പ​ര​മാ​വ​ധി ഒ​ഴി​വാ​ക്കാ​നാ​ണ് നി​ർ​ദേ​ശ​മെ​ങ്കി​ലും ഔ​ദ്യോ​ഗി​ക​പ​ക്ഷ​ത്തി​ന് മേ​ൽ​കൈ​യി​ല്ലാ​ത്ത പ​ല​യി​ട​ത്തും മ​ത്സ​രം ന​ട​ക്കു​ക​യും ബ്രാ​ഞ്ച് സെ​ക്ര​ട്ട​റി സ്ഥാ​ന​ത്ത് ഔ​ദ്യോ​ഗി​ക​പ​ക്ഷം സ്ഥാ​ന​മു​റ​പ്പി​ക്കു​ക​യും ചെ​യ്തി​ട്ടു​ണ്ട്.

23ന് ​ന​ട​ന്ന പു​ളി​ക്ക​ൽ ബ്രാ​ഞ്ച് സ​മ്മേ​ള​ന​ത്തി​ൽ നി​ല​വി​ൽ സെ​ക്ര​ട്ട​റി​യാ​യി​രു​ന്ന ആ​ളെ മാ​റ്റി ക്ഷീ​ര​സം​ഘം വൈ​സ് പ്ര​സി​ഡ​ൻ​റി​നെ ബ്രാ​ഞ്ച് സെ​ക്ര​ട്ട​റി​യാ​ക്കി. ച​ർ​ച്ച​ക്കി​ടെ മു​ൻ വ​നി​ത പ​ഞ്ചാ​യ​ത്ത് പ്ര​സി​ഡ​ൻ​റ് ഉ​ന്ന​യി​ച്ച ‘മ​ദ്യ​പാ​ന’ ആ​രോ​പ​ണം ച​ർ​ച്ച​ക്കി​ട​യാ​ക്കി. ഈ ​ബ്രാ​ഞ്ചി​ലും പു​ളി​യ​പ്പ​ൻ​തൊ​ടി ബ്രാ​ഞ്ചി​ലും പാ​ർ​ട്ടി ബ്രാ​ഞ്ച് യോ​ഗം കൂ​ടാ​ത​യാ​ണ് മെം​ബ​ർ​ഷി​പ് പു​തു​ക്കി​യ​ത്, ബ്രാ​ഞ്ച് അം​ഗ​ങ്ങ​ളു​ടെ ഒ​പ്പു​ക​ൾ വ്യാ​ജം തു​ട​ങ്ങി​യ ആ​രോ​പ​ണ​ങ്ങ​ൾ യോ​ഗ​ത്തി​ൽ ഉ​യ​ർ​ന്നു. ഇ​തി​ന്റെ അ​ടി​സ്ഥാ​ന​ത്തി​ൽ ഒ​രു മു​ന്ന​റി​യി​പ്പും കൂ​ടാ​തെ നി​ല​വി​ലെ ബ്രാ​ഞ്ച് സെ​ക്ര​ട്ട​റി​യെ മ​ത്സ​ര​ത്തി​ലൂ​ടെ മാ​റ്റാ​ൻ നേ​തൃ​ത്വം ത​യാ​റാ​വു​ക​യാ​യി​രു​ന്ന​ത്രേ. പു​തി​യ ബ്രാ​ഞ്ച് സെ​ക്ര​ട്ട​റി​യാ​യി ഔ​ദ്യോ​ഗി​ക​പ​ക്ഷ​ത്തി​ന്റെ ആ​ളെ തെ​ര​ഞ്ഞെ​ടു​ത്തു. ഔ​ദ്യോ​ഗി​ക​പ​ക്ഷ​ത്തെ നേ​താ​വും മു​ൻ ലോ​ക്ക​ൽ ക​മ്മി​റ്റി സെ​ക്ര​ട്ട​റി​യു​മാ​ണ് ബ്രാ​ഞ്ചു​ക​ളി​ൽ വി​ഭാ​ഗീ​യ പ്ര​വ​ർ​ത്ത​നം ന​ട​ത്തു​ന്നെ​ന്ന ആ​രോ​പ​ണ​വു​മു​ണ്ട്. മ​റു​പ​ക്ഷ​മാ​ക​ട്ടെ സ​മ്മേ​ള​ന പാ​ന​ലി​ൽ മെം​ബ​ർ​മാ​രെ ഉ​ൾ​പ്പെ​ടു​ത്താ​ൻ തി​ര​ക്കി​ട്ട ശ്ര​മ​ത്തി​ലാ​ണ്.

ക​ണ്ണാ​ടി ലോ​ക്ക​ൽ സ​മ്മേ​ള​നം ഒ​ക്ടോ​ബ​ർ 10, 11 തീ​യ​തി​ക​ളി​ൽ ക​ണ്ണാ​ടി പ​ഞ്ചാ​യ​ത്ത് ഹാ​ളി​ലാ​ണ് ന​ട​ക്കു​ന്ന​ത്. സ​മ്മേ​ള​ന​ത്തി​ൽ മു​ഴു​വ​ൻ സ​മ​യ​വും ജി​ല്ല സെ​ക്ര​ട്ട​റി പ​ങ്കെ​ടു​ക്കും. ലോ​ക്ക​ൽ സ​മ്മേ​ള​ന​ത്തി​നു​ശേ​ഷം കി​ണാ​ശ്ശേ​രി, ക​ണ്ണാ​ടി ലോ​ക്ക​ൽ ക​മ്മി​റ്റി എ​ന്നി​ങ്ങ​നെ ര​ണ്ടാ​യി വി​ഭ​ജി​ക്കും. ജി​ല്ല സെ​ക്ര​ട്ട​റി​ക്ക് പു​റ​മെ മ​ല​മ്പു​ഴ എം.​എ​ല്‍.​എ പ്ര​ഭാ​ക​ര​ന്‍, ഏ​രി​യ സെ​ക്ര​ട്ട​റി എ​ന്നി​വ​രും പ​ങ്കെ​ടു​ക്കും.

ക​ഴി​ഞ്ഞ സ​മ്മേ​ള​ന​കാ​ല​ത്ത് വാ​ള​യാ​ർ ലോ​ക്ക​ൽ ക​മ്മി​റ്റി​യി​ൽ ന​ട​ന്ന സം​ഘ​ർ​ഷ സം​ഭ​വ​ങ്ങ​ൾ ക​ണ്ണാ​ടി​യി​ൽ ന​ട​ക്കാ​തി​രി​ക്കാ​ൻ ജി​ല്ല ക​മ്മി​റ്റി​യും ഏ​രി​യ ക​മ്മി​റ്റി​യും ഏ​റെ ശ്ര​ദ്ധി​ക്കു​ന്നു​മു​ണ്ട്. പാ​ല​ക്കാ​ട് നി​യ​ഭ​സ​ഭ മ​ണ്ഡ​ലം ഉ​പ​തെ​ര​ഞ്ഞെ​ടു​പ്പു ന​ട​ക്കു​ന്ന​തി​നാ​ൽ പ്ര​ശ്ന​ങ്ങ​ൾ ഇ​ല്ലാ​തെ സ​മ്മേ​ള​നം ന​ട​ക്കാ​ൻ നേ​തൃ​ത്വം ക​ർ​ശ​ന ന​ട​പ​ടി​ക​ളാ​ണ് സ്വീ​ക​രി​ക്കു​ന്ന​ത്.