മൂന്നാം പ്രസവത്തിൽ ഇരട്ടക്കൺമണികൾ

വടശ്ശേരിക്കര: പശു ഇരട്ടക്കിടാവുകൾക്ക് ജന്മം നൽകി. അത്തിക്കയം കിഴക്കേഭാഗം സ്വദേശി പനച്ചിപ്പാറയിൽ രാമ ഷാജിയുടെ പശുവാണ് ഇരട്ട പ്രസവിച്ചത്. വർഷങ്ങളായി പശു വളർത്തൽ നടത്തിവരുന്ന രമക്കും കുടുംബത്തിനും ഇത്​ ആദ്യ അനുഭവമാണ്. വിവരം അറിഞ്ഞ് ഇരട്ട കിടാവുകളെ കാണാൻ നിരവധിപേർ എത്തിയിരുന്നു. തിങ്കൾ രാവിലെ 9.30ക്ക് മൂന്നാം തവണത്തെ പ്രസവത്തിൽ ഒരു പശു കിടാവിനും ഒരു മൂരിക്കിടാവിനുമാണ് രമയുടെ പശു ജന്മം നൽകിയത്.