കരുതലും കൈത്താങ്ങും അദാലത്തിന് തുടക്കം: തീരുമാനങ്ങള്‍ നടപ്പാക്കിയില്ലെങ്കില്‍ നടപടി -മന്ത്രി പി. രാജീവ്

പ​ത്ത​നം​തി​ട്ട: പൊ​തു​ജ​ന​ങ്ങ​ളു​ടെ പ​രാ​തി​ക​ള്‍ക്ക് അ​ടി​യ​ന്ത​ര​പ​രി​ഹാ​രം ല​ക്ഷ്യ​മാ​ക്കി സ​ര്‍ക്കാ​ര്‍ ന​ട​പ്പാ​ക്കു​ന്ന ക​രു​ത​ലും കൈ​ത്താ​ങ്ങും താ​ലൂ​ക്കു​ത​ല അ​ദാ​ല​ത്തി​ന് ജി​ല്ല​യി​ല്‍ തു​ട​ക്കം. പ​ത്ത​നം​തി​ട്ട റോ​യ​ല്‍ ഓ​ഡി​റ്റോ​റി​യ​ത്തി​ല്‍ മ​ന്ത്രി​മാ​രാ​യ പി. ​രാ​ജീ​വ്, വീ​ണ ജോ​ര്‍ജ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ​രാ​തി​ക​ള്‍ സ്വീ​ക​രി​ച്ചു​ള്ള പ​രി​ഹാ​ര ന​ട​പ​ടി​ക​ള്‍ക്ക്​ തു​ട​ക്ക​മി​ട്ട​ത്. മ​ന്ത്രി പി. ​രാ​ജീ​വ്​ ഉ​ദ്ഘാ​ട​നം നി​ര്‍വ​ഹി​ച്ചു.

ക​ഴി​ഞ്ഞ ത​വ​ണ​യും അ​ദാ​ല​ത് വി​ജ​യ​മാ​യെ​ന്ന് അ​ദ്ദേ​ഹം വ്യ​ക്ത​മാ​ക്കി. അ​ദാ​ല​ത്തി​ലെ തീ​രു​മാ​ന​ങ്ങ​ള്‍ സ​മ​യ​ബ​ന്ധി​ത​മാ​യി ന​ട​പ്പി​ലാ​ക്കി​യി​രി​ക്ക​ണം. ഫ​യ​ലി​ല്‍ ന​ട​പ​ടി സ്വീ​ക​രി​ക്കാ​ത്ത​തും അ​ഴി​മ​തി​യാ​ണെ​ന്ന് തി​രി​ച്ച​റി​യ​ണം. ബോ​ധ​പൂ​ര്‍വം താ​മ​സി​പ്പി​ച്ചാ​ല്‍ ന​ട​പ​ടി​യെ​ന്നും മ​ന്ത്രി ഓ​ര്‍മി​പ്പി​ച്ചു. അ​ധ്യ​ക്ഷ​ത വ​ഹി​ച്ച മ​ന്ത്രി വീ​ണ ജോ​ര്‍ജ് ന​ല്ല ശ​ത​മാ​നം പ​രാ​തി​ക​ള്‍ക്കും അ​ദാ​ല​ത്തി​ലൂ​ടെ പ​രി​ഹാ​രം കാ​ണാ​നാ​കു​ന്നു​വെ​ന്ന് പ​റ​ഞ്ഞു.

ച​ട​ങ്ങി​ല്‍ 38 പേ​ര്‍ക്ക് മു​ന്‍ഗ​ണ​ന റേ​ഷ​ന്‍ കാ​ര്‍ഡു​ക​ള്‍ മ​ന്ത്രി​മാ​ര്‍ കൈ​മാ​റി. ക​ല​ക്ട​ര്‍ എ​സ്. പ്രേം​കൃ​ഷ്ണ​ന്‍, പ​ത്ത​നം​തി​ട്ട ന​ഗ​ര​സ​ഭ അ​ധ്യ​ക്ഷ​ന്‍ ടി. ​സ​ക്കീ​ര്‍ ഹു​സൈ​ന്‍, ഇ​ല​ന്തൂ​ര്‍ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ്​ ജെ. ​ഇ​ന്ദി​രാ​ദേ​വി, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റു​മാ​രാ​യ റോ​യി ഫി​ലി​പ്പ്, ജോ​ണ്‍സ​ണ്‍ വി​ള​വി​നാ​ല്‍, മി​നി ജി​ജു ജോ​സ​ഫ് തു​ട​ങ്ങി​യ​വ​ര്‍ പ​ങ്കെ​ടു​ത്തു.

ര​മ​ണി​ക്ക് കൈ​ത്താ​ങ്ങാ​യി ഉ​ത്ത​ര​വ്

മ​ര​ങ്ങ​ളാ​യി​രു​ന്നു പ​ത്ത​നം​തി​ട്ട ന​ഗ​ര​സ​ഭ ന​ന്നു​വ​ക്കാ​ട് മു​തു​വ​ര​ത്തി​ല്‍ വീ​ട്ടി​ല്‍ എം.​കെ. ര​മ​ണി​യു​ടെ ഉ​റ​ക്കം കെ​ടു​ത്തി​യി​രു​ന്ന​ത്. വീ​ടി​ന് മു​ക​ളി​ലേ​ക്ക് ചാ​ഞ്ഞു​നി​ല്‍ക്കു​ന്ന മ​ഹാ​ഗ​ണി​യും പ​ന​യും വീ​ഴാ​വു​ന്ന നി​ല​യി​ലാ​യ​ത് ജീ​വ​ഹാ​നി​യാ​ണ് ഉ​ള​വാ​ക്കി​യ​ത്.

ഭ​ര്‍ത്താ​വ് മ​രി​ച്ച​തോ​ടെ വ​ര്‍ഷ​ങ്ങ​ളാ​യി ഒ​റ്റ​ക്ക്​ ക​ഴി​യാ​ന്‍ വി​ധി​ക്ക​പ്പെ​ട്ട​തോ​ടെ ഭ​യാ​ശ​ങ്ക​ക​ള്‍ക്ക് ആ​ക്കം​കൂ​ടി. അ​യ​ല്‍വാ​സി​യോ​ട്​ പ​റ​ഞ്ഞി​ട്ട്​ കാ​ര്യ​മി​ല്ലെ​ന്നും മ​ന​സ്സി​ലാ​യി. അ​ങ്ങ​നെ​യാ​ണ് കോ​ഴ​ഞ്ചേ​രി താ​ലൂ​ക്ക് അ​ദാ​ല​ത് എ​ന്ന വ​ഴി​യി​ലേ​ക്ക് എ​ത്തി​യ​ത്.

വി​ഷ​യം കേ​ട്ട​റി​ഞ്ഞ​തോ​ടെ ത​ത്സ​മ​യം പ​രി​ഹാ​രം നി​ര്‍ദേ​ശി​ക്കു​ക​യാ​യി​രു​ന്നു മ​ന്ത്രി പി. ​രാ​ജീ​വ്. ന​ഗ​ര​സ​ഭ സെ​ക്ര​ട്ട​റി​യു​ടെ ചു​മ​ത​ല​യി​ല്‍ ര​ണ്ടാ​ഴ്ച​ക്കു​ള്ളി​ല്‍ മ​ര​ങ്ങ​ള്‍ വെ​ട്ടി​മാ​റ്റി ത​ദ്ദേ​ശ വ​കു​പ്പ് ജോ​യ​ന്റ് ഡ​യ​റ​ക്ട​ര്‍ക്ക് റി​പ്പോ​ര്‍ട്ട് ന​ല്‍കാ​നാ​ണ് ഉ​ത്ത​ര​വ് ന​ല്‍കി​യ​ത്.