കൊറ്റനാട് കാട്ടുപന്നി ആക്രമണത്തിൽ വീട്ടമ്മക്ക് പരിക്ക്

മല്ലപ്പള്ളി: കൊറ്റനാട്‌ പഞ്ചായത്തിൽ കാട്ടുപന്നിയുടെ ആക്രമണത്തിൽ വീട്ടമ്മക്ക് പരിക്ക്. പെരുമ്പെട്ടി ചിരട്ടോലിൽ ലൈലബീവിക്കാണ് (56) പരിക്കേറ്റത്. ഉന്നത്തോലി-തൂങ്ങുപാല റോഡിലൂടെ നടന്നുപോകുകയായിരുന്ന ലൈലബീവിക്ക് നേരെ പാഞ്ഞെത്തിയ പന്നി തട്ടിമറിച്ചിട്ടശേഷം കൈയിൽ കുത്തി.

ആറ് തുന്നലുണ്ട്. കൈയുടെ മറ്റിടങ്ങളിലും മുറിവുണ്ട്. കൈകാൽ മുട്ടുകൾക്കും മുതുകിലും ചതവുണ്ട്. റാന്നി താലൂക്ക് ആശുപത്രിയിൽ ചികിത്സയിലാണ്. പകലും പഞ്ചായത്തിന്റെ വിവിധ പ്രദേശങ്ങളിൽ പന്നിയുടെ ആക്രമണം രൂക്ഷമായതോടെ ജനം ഭീതിയിലാണ്.