പ​ന്ത​ള​ത്ത് പൊലീസ് നിഷ്​ക്രിയം, ലഹരിവസ്തുക്കൾ സുലഭം

പ​ന്ത​ളം: പ​ന്ത​ള​ത്തും സ​മീ​പ​ത്തും മോ​ഷ്ടാ​ക്ക​ളും അ​ക്ര​മി​ക​ളും വി​ല​സു​ന്നു. പൊ​ലീ​സ് നി​ഷ്​​ക്രി​യ​മാ​യ​തി​നാ​ൽ ജ​ന​ങ്ങ​ളും ഭീ​തി​യി​ലാ​ണ്. തി​ങ്ക​ളാ​ഴ്ച കു​ള​ന​ട പ​ന​ങ്ങാ​ട് കീ​ഴേ​ട​ത്തു​താ​ഴേ​തി​ൽ പ്ര​സ​ന്ന​കു​മാ​രി​ക്ക്​ ആ​ക്ര​മ​ണ​ത്തി​ൽ പ​രി​ക്കേ​റ്റി​രു​ന്നു. രാ​ത്രി ഏ​ഴ​ര​യോ​ടെ വീ​ട്ടി​ൽ അ​തി​ക്ര​മി​ച്ചു ക​യ​റി​യാ​ണ് ആ​ക്ര​മ​ണം ന​ട​ത്തി​യ​ത്. ബ​ഹ​ളം​വെ​ച്ചാ​ൽ കൊ​ന്നു​ക​ള​യു​മെ​ന്ന്​ ഭീ​ഷ​ണി​പ്പെ​ടു​ത്തി​യ അ​ക്ര​മി വി​റ​കു​ക​മ്പു​കൊ​ണ്ട്​ പ്ര​സ​ന്ന​യു​ടെ ത​ല​ക്ക​ടി​ച്ചു​വീ​ഴ്ത്തി. പ​രി​ക്കേ​റ്റ പ്ര​സ​ന്ന​കു​മാ​രി പ​ത്ത​നം​തി​ട്ട​യി​ൽ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി​യി​രു​ന്നു. സം​ഭ​വം ന​ട​ന്ന്​ ഒ​രാ​ഴ്ച പി​ന്നി​ട്ടി​ട്ടും പ്ര​തി​ക​ളെ പി​ടി​കൂ​ടാ​ൻ പൊ​ലീ​സി​ന് ക​ഴി​ഞ്ഞി​ട്ടി​ല്ല.

അ​ന്നു ത​ന്നെ മാ​ന്തു​ക ശി​വ​പാ​ർ​വ​തി ക്ഷേ​ത്ര​ത്തി​ൽ വ​ഞ്ചി കു​ത്തി​ത്തു​റ​ന്ന്​ മോ​ഷ​ണം ന​ട​ന്നു. പ​ന്ത​ളം ക​ട​യ്ക്കാ​ട് ശ്രീ​ഭ​ദ്ര​കാ​ളി ക്ഷേ​ത്ര​ത്തി​ലെ വ​ഞ്ചി​യി​ലെ പ​ണം ഞാ​യ​റാ​ഴ്ച രാ​ത്രി മോ​ഷ്ടി​ച്ചി​രു​ന്നു. മേ​യ്​ 29ന്​ ​കു​ള​ന​ട​യി​ല്‍ നാ​ലു​ക​ട​യി​ല്‍ മോ​ഷ​ണ​വും നാ​ലി​ട​ത്ത്​ മോ​ഷ​ണ​ശ്ര​മ​വും ന​ട​ന്നു. ക​ട​ക​ളു​ടെ ഓ​ടു പൊ​ളി​ച്ചി​റ​ങ്ങി​യ മോ​ഷ്ടാ​ക്ക​ൾ 40,000 രൂ​പ​യോ​ളം ​മോ​ഷ്ടി​ച്ചി​രു​ന്നു. 27ന്​ ​രാ​ത്രി പ​ന്ത​ളം മു​ട്ടാ​ര്‍ ക​വ​ല​യി​ലെ അ​യ്യ​പ്പ​ക്ഷേ​ത്ര​ത്തി​ലും മോ​ഷ​ണം ന​ട​ന്നു. മ​തി​ലു​ക​ളി​ല്‍ സ്ഥാ​പി​ച്ചി​രു​ന്ന ര​ണ്ടു​വ​ഞ്ചി​യു​ടെ പൂ​ട്ടു​ക​ള്‍ പൊ​ളി​ച്ചാ​യി​രു​ന്നു ക​വ​ര്‍ച്ച. ഇ​വി​ടെ നി​ന്ന് 20,000 രൂ​പ മോ​ഷ്ടി​ച്ചു.

മു​ട്ടാ​ർ ക്ഷേ​ത്ര​ത്തി​ൽ ക​വ​ർ​ച്ച ന​ട​ത്തി​യ ആ​ളു​ടെ വ്യ​ക്ത​മാ​യ ദൃ​ശ്യം ഇ​വി​ടെ സ്ഥാ​പി​ച്ച സി.​സി ടി.​വി​യി​ൽ​നി​ന്ന്​ ല​ഭി​ച്ചി​ട്ടു​ണ്ട്. മോ​ഷ​ണം ന​ട​ന്ന​തി​നെ​ക്കു​റി​ച്ച്​ ഭാ​ര​വാ​ഹി​ക​ൾ പ​ന്ത​ളം പൊ​ലീ​സി​ൽ പ​രാ​തി ന​ൽ​കി​യി​രു​ന്നു. എ​ന്നാ​ൽ, അ​ന്വേ​ഷ​ണം ന​ട​ത്താ​നോ സി.​സി ടി.​വി ദൃ​ശ്യം പ​രി​ശോ​ധി​ക്കാ​നോ പോ​ലും പൊ​ലീ​സ് ഇ​തു​വ​രെ ത​യാ​റാ​യി​ട്ടി​ല്ലെ​ന്നാ​ണ്​ ആ​ക്ഷേ​പം. പ​ന്ത​ള​ത്ത് അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളു​ൾ​പ്പെ​ടെ ല​ഹ​രി​മ​രു​ന്നു​ക​ളും നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ളും വ്യാ​പ​ക​മാ​യാ​ണ്​ വി​ൽ​പ​ന ന​ട​ത്തു​ന്ന​ത്.

ഒ​രാ​ഴ്ച മു​മ്പ് അ​ടൂ​രി​ൽ നി​ന്നെ​ത്തി​യ എ​ക്സൈ​സ് സം​ഘം പ​ന്ത​ളം പൊ​ലീ​സി​ന്‍റെ മൂ​ക്കി​നു​കീ​ഴി​ൽ നി​ന്ന്​ ക​ഞ്ചാ​വു​മാ​യി ര​ണ്ടു ബം​ഗാ​ളി തൊ​ഴി​ലാ​ളി​ക​ളെ പി​ടി​കൂ​ടി​യി​രു​ന്നു. ഇ​വ​രി​ൽ​നി​ന്ന് 675 ഗ്രാം ​ക​ഞ്ചാ​വും പി​ടി​കൂ​ടി​യി​രു​ന്നു. മോ​ഷ​ണ​വും മ​റ്റും വ്യാ​പ​ക​മാ​യ​തോ​ടെ ഇ​തേ​ക്കു​റി​ച്ച് അ​ന്വേ​ഷി​ക്കാ​ൻ വേ​ണ്ടി ബ​ന്ധ​പ്പെ​ടാ​ൻ ശ്ര​മി​ച്ചാ​ൽ പ​ന്ത​ളം എ​സ്.​എ​ച്ച്.​ഒ, എ​സ്.​ഐ എ​ന്നി​വ​ർ ത​ങ്ങ​ളു​ടെ ഔ​ദ്യോ​ഗി​ക മൊ​ബൈ​ൽ ഫോ​ൺ​പോ​ലും എ​ടു​ക്കാ​ൻ ത​യാ​റാ​കു​ന്നി​ല്ലെ​ന്നും പ​രാ​തി​യു​ണ്ട്.