ദേശീയ പാരാ മാസ്റ്റേഴ്സ്​ ഗെയിംസ്​ തുടങ്ങി

തൃശൂർ: പാരാ മാസ്റ്റേഴ്സ്​ ഗെയിംസ്​ ഫെഡറേഷൻ ഇന്ത്യക്ക് കീഴിൽ തൃശൂർ തോപ്പ് സ്റ്റേഡിയത്തിൽ നടക്കുന്ന ദേശീയ പാരാമാസ്റ്റേഴ്സ്​ ഗെയിംസ്​ പി. ബാലചന്ദ്രൻ എം.എൽ.എ ഉദ്ഘാടനം ചെയ്തു. ജില്ല സ്​പോർട്സ്​ കൗൺസിൽ വൈസ്​ പ്രസിഡൻറ് ബിന്നി ഇമ്മട്ടി മുഖ്യാതിഥിയായി. ഫെഡറേഷൻ ദേശീയ പ്രസിഡൻറ് എ.എം. കിഷോർ അധ്യക്ഷത വഹിച്ചു. കേരള ഒളിംപിക് അസോസിയേഷൻ ജോയൻറ് സെക്രട്ടറി ടി.ടി. ജെയിംസ്​, ജില്ല സ്​പോർട്സ്​ കൗൺസിൽ അംഗം കെ.ആർ. അജിത് ബാബു എന്നിവർ സംസാരിച്ചു. അസോസിയേഷൻ സംസ്​ഥാന ജോയൻറ് സെക്രട്ടറി എ.എസ്. അനിൽകുമാർ നന്ദി പറഞ്ഞു. ബാഡ്മിൻറൺ, അത്​ലറ്റിക്സ്​, പവർലിഫ്റ്റിങ്​, ഷൂട്ടിങ്​ എന്നീ മത്സരങ്ങൾ നടന്നു. ഞായറാഴ്ച സമാപിക്കും.