ഗുരുവായൂര്‍ ഏകാദശി: വ്യാപാരികളുടെ വിളക്കാഘോഷിച്ചു

ഗുരുവായൂര്‍: ഏകാദശി വിളക്കാഘോഷത്തിൻെറ ഭാഗമായി വ്യാപാരികളുടെ വിളക്കാഘോഷിച്ചു. രാവിലെ കാഴ്ചശീവേലിക്ക് പറമ്പന്തള്ളി വിജീഷ് മാരാരുടെ നേതൃത്വത്തിൽ പഞ്ചാരിമേളം അകമ്പടിയായി. ഉച്ചകഴിഞ്ഞ് നടന്ന കാഴ്ചശീവേലിക്ക് പരക്കാട് മഹേശ്വര​ൻെറ നേതൃത്വത്തിൽ പഞ്ചവാദ്യവും രാത്രി വിളക്കെഴുന്നള്ളിപ്പിന് എടക്കയും നാഗസ്വരവും അകമ്പടിയായി. മേല്‍പ്പത്തൂര്‍ ഓഡിറ്റോറിയത്തില്‍ മർച്ചൻറ്സ് വനിത വിഭാഗം അവതരിപ്പിച്ച വിവിധ കലാപരിപാടികളുണ്ടായി.