സീനിയർ സോഫ്റ്റ് ബാൾ ചാമ്പ്യൻഷിപ്പ് സമാപിച്ചു

ഒല്ലൂർ: വൈലോപ്പിള്ളി സ്​കൂൾ ഗ്രൗണ്ടിൽ നടന്ന 26ാമത് സീനിയർ സോഫ്റ്റ്ബാൾ ചാമ്പ്യൻഷിപ്പിൽ പുരുഷ വിഭാഗത്തിൽ പ്ലേബോൾ സ്​പോർട്സ്​ വാടാനപ്പിള്ളി വിജയികളായി. എം.ഇ.എസ്​ അസ്​മാബി സ്​കൂൾ കൊടുങ്ങല്ലൂർ രണ്ടാംസ്​ഥാനം കരസ്​ഥമാക്കി. ഗേൾസ്​ വിഭാഗത്തിൽ പ്ലേബോൾ ചേർപ്പ് ഒന്നാം സ്​ഥാനവും ആർ.എം.വി.എച്ച്.എസ്​.എസ്​ പെരിഞ്ഞനം രണ്ടാംസ്​ഥാനവും കരസ്​ഥമാക്കി. വിജയികൾക്ക് തൃശൂർ കോർപറേഷൻ കൗൺസിലർ കരോളിൽ ജെറിഷ് സമ്മാനദാനം നിർവഹിച്ചു. സോഫ്റ്റ്ബാൾ അസോസിയേഷൻ വൈസ്​ പ്രസിഡൻറ് അഖിൽ അനിരുദ്ധൻ അധ്യക്ഷത വഹിച്ചു. ഗവ. ആർട്സ്​ ആൻഡ് സയൻസ്​ കോളജ് പ്രിൻസിപ്പൽ സൂജിത്ത് ബാബു, വൈലോപ്പിള്ളി സ്​കൂൾ പ്രധാനാധ‍്യാപിക​ ഉഷാ ആൻറണി എന്നിവർ മുഖ്യാതിഥികളായി. അഡ്വ. കെ.ആർ. അജിത്ബാബു, കെ.വി. നിയാസ്​, സി.കെ. അജിത്, അക്ഷയ്കുമാർ, ജേക്കബ് തോമസ്​ തുടങ്ങിയവർ സംസാരിച്ചു.