കാറ്റ്: വെണ്ടോരില്‍ തെങ്ങ് വീണ് ഗതാഗതം തടസ്സപ്പെട്ടു

കാറ്റും മഴയും; വെണ്ടോരില്‍ തെങ്ങ് കടപുഴകി വീണു ആമ്പല്ലൂര്‍: ഞായറാഴ്ച പുലര്‍ച്ചയുണ്ടായ ശക്തമായ കാറ്റിലും മഴയിലും ആമ്പല്ലൂര്‍ വരന്തരപ്പിള്ളി റോഡില്‍ വെണ്ടോരില്‍ തെങ്ങ് കടപുഴകി വീണ് വാഹന ഗതാഗതം തടസ്സപ്പെട്ടു. വൈദ്യുതി തൂണിന് മുകളിലൂടെ തെങ്ങ് വീണതോടെ മേഖലയില്‍ വൈദ്യുതി വിതരണം തടസ്സപ്പെട്ടു. ഫയര്‍ഫോഴ്‌സെത്തി തെങ്ങ് മുറിച്ചുമാറ്റിയ ശേഷമാണ് ഗതാഗതം പുനഃസ്ഥാപിച്ചത്. പുതുക്കാട്, വരന്തരപ്പിള്ളി മേഖലയില്‍ പലയിടങ്ങളിലും മരങ്ങള്‍ വീണ് വൈദ്യുതി ബന്ധം തകരാറിലായി. നിരവധി കൃഷിനാശവും സംഭവിച്ചു.