നാലു ലിറ്റർ വാറ്റുചാരായവുമായി ഒരാൾ പിടിയിൽ

തൃപ്രയാർ: നാല് ലിറ്റർ വാറ്റുചാരായവുമായി ഒരാളെ തൃപ്രയാര്‍ എക്‌സൈസ് റേഞ്ച് അധികൃതര്‍ പിടികൂടി. തൃപ്രയാര്‍ തയ്യില്‍ മണികണ്ഠനെയാണ് (51) പ്രിവന്റിവ് ഓഫിസര്‍ കെ.എന്‍. ഹരിദാസിന്റെ നേതൃത്വത്തില്‍ തൃപ്രയാര്‍ വ്യാപാരഭവന്‍ റോഡില്‍ നിന്ന് പിടികൂടിയത്. മറ്റ് സ്ഥലങ്ങളില്‍നിന്ന് കൊണ്ടുവരുന്ന വാറ്റ് ചാരായം ഇയാള്‍ ഇരുചക്ര വാഹനത്തില്‍ ആവശ്യക്കാര്‍ക്ക് എത്തിച്ചുകൊടുക്കുകയാണ് പതിവെന്ന് എക്‌സൈസ് അധികൃതര്‍ പറഞ്ഞു.

ഗ്രേഡ് പ്രിവന്റിവ് ഓഫിസര്‍ ടി.ആര്‍. സുനില്‍, സിവില്‍ എക്‌സൈസ് ഓഫിസര്‍മാരായ മുജീബ് റഹ്മാന്‍, പി.എ. വിനോജ്, പി.എ. അഫ്‌സല്‍, ജയ്‌സന്‍ പി. ദേവസി, ആര്‍. രതീഷ്‌കുമാര്‍ എന്നിവരും എക്‌സൈസ് സംഘത്തിലുണ്ടായിരുന്നു.