കനത്തമഴയില്‍ കിണര്‍ ഇടിഞ്ഞുതാഴ്ന്നു

ആമ്പല്ലൂര്‍: കനത്ത മഴയില്‍ അളഗപ്പനഗര്‍ പഞ്ചായത്തിലെ പൂക്കോട് പാലക്കുന്നില്‍ കിണര്‍ ഇടിഞ്ഞു താഴ്ന്നു. പാലക്കുന്ന് തൊട്ടിപറമ്പില്‍ വാസുദേവന്റെ വീട്ടുകിണറാണ് ഇടിഞ്ഞത്. കിണര്‍ ഇടിഞ്ഞതിനൊപ്പം വീടിന് പുറകിലെ ചുമരും ട്രസും തകര്‍ന്നു. ചൊവ്വാഴ്ച രാവിലെ 6 ഓടെയായിരുന്നു സംഭവം. സംഭവ സമയത്ത് ഈ ഭാഗത്ത് ആളുകളില്ലാതിരുന്നതിനാല്‍ ദുരന്തം ഒഴിവായി. കനത്ത മഴ തുടരുന്നതിനാല്‍ വീട് അപകടാവസ്ഥയിലാണ്. കിണറിന്‍റെ ഭാഗത്ത്​ മണ്ണിടിച്ചില്‍ തുടര്‍ന്നാല്‍ വീടിന് കേടുപാടുണ്ടാകുമെന്ന ആശങ്കയിലാണ് കുടുംബം.