നാ​ട് വി​ടാ​തെ കാ​ട്ട​ാന​ക്കൂ​ട്ടം; വ്യാ​പ​ക കൃ​ഷി​നാ​ശം

പു​ത്തൂ​ര്‍: കാ​ടി​റ​ങ്ങി​യ കാ​ട്ട​ാന വി​ള​യാ​ട്ട​ത്തി​ൽ വ്യാ​പ​ക കൃ​ഷി​നാ​ശം. മ​രോ​ട്ടി​ച്ചാ​ല്‍ ചീ​ര​കു​ണ്ട് ക​ണ്ടാ​ശ്ശേ​രി അ​ശോ​ക​ന്‍, വാ​ക്ക​നാം​പ​ട​ത്തി​ല്‍ പോ​ള്‍സ​ണ്‍, ക​ള്ളി​പ​റ​മ്പി​ല്‍ ലോ​ന​പ്പ​ന്‍ എ​ന്നി​വ​രു​ടെ പ​റ​മ്പി​ലെ കു​ല​ച്ച​ത​ട​ക്കം അ​ഞ്ഞൂ​റി​ല​ധി​കം നേ​ന്ത്ര​വാ​ഴ​ക​ള്‍ ന​ശി​പ്പി​ച്ചു. ക​ഴി​ഞ്ഞ ബു​ധ​നാ​ഴ്ച മു​ത​ല്‍ തു​ട​ങ്ങി​യ​താ​ണ് കാ​ട്ട​ാന​ശ​ല്യം. പു​ല​ർ​ച്ച ര​ണ്ട്​ വ​രെ പ​റ​മ്പി​ല്‍ കാ​വ​ല്‍നി​ന്ന നാ​ട്ടു​കാ​ര്‍ വീ​ട്ടി​ലേ​ക്ക് മ​ട​ങ്ങി​യ ശേ​ഷ​മാ​ണ് ആ​ന​ക​ള്‍ ഇ​റ​ങ്ങി​യ​ത്. വ​ന​മേ​ഖ​ല​യോ​ട് ചേ​ര്‍ന്ന പ്ര​ദേ​ശ​ത്തെ വൈ​ദ്യു​തി വേ​ലി​ക്ക് മു​ക​ളി​ലേ​ക്ക് മ​രം ഇ​ട്ട് ന​ശി​പ്പി​ച്ച ശേ​ഷ​മാ​ണ് കാ​ട്ടാ​ന​ക​ൾ പ​റ​മ്പു​ക​ളി​ലേ​ക്ക് ഇ​റ​ങ്ങു​ന്ന​ത്.

പ്ര​ധാ​ന​മാ​യും വാ​ഴ​പ്പി​ണ്ടി​യാ​ണ് ആ​ന​ക​ള്‍ തി​ന്നു​ന്ന​ത്. ഇ​ത് സം​ബ​ന്ധി​ച്ച് കൃ​ഷി ഓ​ഫി​സി​ലും വ​നം​വ​കു​പ്പി​ലും പ​രാ​തി ന​ല്‍കി​യെ​ങ്കി​ലും ഉ​ദ്യോ​ഗ​സ്ഥ​ര്‍ സ്ഥ​ലം സ​ന്ദ​ര്‍ശി​ക്കു​ന്ന​തി​ല്‍ മാ​ത്രം ന​ട​പ​ടി ഒ​തു​ങ്ങു​ക​യാ​ണ് പ​തി​വ്. ക​ഴി​ഞ്ഞ ഒ​രു വ​ര്‍ഷ​ത്തി​നു​ള്ളി​ല്‍ ക​ള്ളി​പ​റ​മ്പി​ല്‍ ലോ​ന​പ്പ​ന്റെ ര​ണ്ടാ​യി​ര​ത്തി​ല​ധി​കം നേ​ന്ത്ര​വാ​ഴ​ക​ളാ​ണ് ആ​ന​ക​ള്‍ ന​ശി​പ്പി​ച്ച​ത്. എ​ന്നാ​ല്‍ ലോ​ന​പ്പ​ന് ഇ​തു​വ​രെ ന​ഷ്ട​പ​രി​ഹാ​ര​മൊ​ന്നും ല​ഭി​ച്ചി​ട്ടി​ല്ല.