ശ്രീനാരായണഗുരു ദര്‍ശനങ്ങള്‍ ലോകരാഷ്ട്രങ്ങള്‍ക്ക് മാതൃക -സ്വാമി സാന്ദ്രാനന്ദ

വെള്ളറട: ശ്രീനാരായണഗുരു ദര്‍ശനങ്ങള്‍ കേരളത്തിന് മാത്രമല്ല ലോകരാഷ്ട്രങ്ങള്‍ക്ക് തന്നെ മാതൃകയാണെന്ന് അരുവിപ്പുറം മഠാധിപതി സ്വാമി സാന്ദ്രാനന്ദ. എസ്.എന്‍.ഡി.പി യോഗം 4678 നമ്പര്‍ കുന്നത്തുകാല്‍ ശാഖ കുന്നത്തുകാല്‍ ജങ്​ഷനില്‍ പണികഴിപ്പിച്ച ശ്രീനാരായണഗുരുക്ഷേത്ര സമര്‍പ്പണത്തിന്‍റെയും ശ്രീനാരായണ ഗുരു വിഗ്രഹപ്രതിഷ്​ഠയുടെയും ഭാഗമായി കുന്നത്തുകാല്‍ ഗൗതം ഒാഡിറ്റോറിയത്തില്‍ സംഘടിപ്പിച്ച ശ്രീനാരായണ ധര്‍മ പ്രചാരണ സമ്മേളനം ഉദ്​ഘാടനം ചെയ്യുകയായിരുന്നു അദ്ദേഹം. സി.കെ. ഹരീന്ദ്രന്‍ എം.എല്‍.എ അധ്യക്ഷത വഹിച്ചു.