വർക്കലയിൽ അമ്പതോളം എസ്.എഫ്.ഐക്കാർ എ.ഐ.എസ്.എഫിൽ ചേർന്നു

വർക്കല: വർക്കലയിൽ അമ്പതോളം എസ്.എഫ്.ഐക്കാർ എ.ഐ.എസ്.എഫിൽ ചേർന്നു. എസ്.എഫ്.ഐ മുൻ ജില്ല കമ്മിറ്റി അംഗം ഭഗത്തിന്റെ നേതൃത്വത്തിൽ എസ്.എഫ്.ഐയിൽ പ്രവർത്തിച്ചു കൊണ്ടിരുന്ന അമ്പതോളം വിദ്യാർഥികളാണ് സി.പി.ഐ വിദ്യാർഥി പ്രസ്ഥാനമായ എ.ഐ.എസ്.എഫിൽ ചേർന്നത്. എ.ഐ.എസ്.എഫ് സംസ്ഥാന വൈസ് പ്രസിഡന്റ് കണ്ണൻ എസ്.ലാൽ പ്രവർത്തകരെ പതാക നൽകി സ്വീകരിച്ചു. എ.ഐ.എസ്.എഫ് വർക്കല മണ്ഡലം പ്രസിഡന്റ് കാജൽ ജെനിത്ത് അധ്യക്ഷതവഹിച്ചു. എ.ഐ.എസ്.എഫ് വർക്കല മണ്ഡലം സെക്രട്ടറി അനന്തു സതീശൻ, സി.പി.ഐ ജില്ല കൗൺസിൽ അംഗം വി. രഞ്ജിത്, നേതാക്കളായ എഫ്. നഹാസ്, ജയൻ എന്നിവർ പങ്കെടുത്തു.