സംയുക്ത സമരസമിതി നടത്തിയ മനുഷ്യമതിലിനിടയിൽ ഇരുവിഭാഗവും തമ്മിൽ ​കൈയാങ്കളി

ശ്രീകാര്യം: ഹിന്ദുസ്ഥാൻ ലാറ്റക്സിൽ സംയുക്ത സമരസമിതി നടത്തിയ മനുഷ്യമതിലിനിടയിൽ ഇരുവിഭാഗവും തമ്മിൽ സംഘർഷം. സി.പി.എം, കോൺഗ്രസ് പ്രവർത്തകർ തമ്മിലാണ് സംഘർഷം. സമരത്തിനിടയിൽ വാഹനം കയറ്റി വിട്ടതിനെ ചൊല്ലിയുള്ള തർക്കമാണ് സംഘർഷത്തിൽ കലാശിച്ചത്. സംഘർഷത്തിൽ ഇരു വിഭാഗത്തിലെയും പ്രവർത്തകർക്ക് പരിക്കേറ്റു. സംഘർഷത്തിനിടയിൽ കോൺഗ്രസ് നേതാവ് ചേന്തി അനിലിന്റെ കാറിന്റെ ചില്ല് അടിച്ചു തകർത്തു. കാറിന്റെ ചില്ല് അടിച്ചു തകർത്തതിന് സി.പി.എം പ്രവർത്തകർക്കെതിരെ മെഡിക്കൽ കോളജ് പൊലീസും, കോൺഗ്രസ് പ്രവർത്തകരെ മർദിച്ചതിന് സി.പി.എം പ്രവർത്തകർക്കെതിരെ ശ്രീകാര്യം പൊലീസും കേസ് രജിസ്റ്റർ ചെയ്തു.