ഗായകൻ കൊല്ലം ശരത്​​ ഗാനമേളക്കിടെ കുഴഞ്ഞുവീണ്​ മരിച്ചു

kol54 Kollam Sarath കൊല്ലം: ഗാനമേളവേദികളിൽ സ്ത്രീ​​ശബ്ദഗാനങ്ങൾ പാടി ശ്രദ്ധേയനായ ഗായകൻ കൊല്ലം ശരത്​​​ (52, എ.ആർ. ശരത്ചന്ദ്രൻനായർ) ഗാനമേളക്കിടെ കുഴഞ്ഞുവീണ്​ മരിച്ചു. കോട്ടയത്ത്​ അടുത്ത ബന്ധുവിന്‍റെ വിവാഹച്ചടങ്ങിലെ ഗാനമേളയിൽ പാടിക്കൊണ്ടിരിക്കുമ്പോൾ കുഴഞ്ഞുവീഴുകയായിരുന്നു. കോട്ടയം മെഡിക്കൽ കോളജ്​ ആശുപത്രിയിലെത്തിച്ചെങ്കിലും മരിച്ചു. തിരുവനന്തപുരം സരിഗയിലെ ഗായകനായിരുന്നു​. എസ്​. ജാനകിയുടെ ശബ്ദം അനുകരിച്ച്​ പാടുന്നതിലൂടെയാണ്​ ശ്രദ്ധേയനായത്​. കൊല്ലം കുരീപ്പുഴ മണലിൽ ശിവക്ഷേത്രത്തിനുസമീപം വയലഴികത്ത്​ വടക്കേത്തൊടിയിൽ കുടുംബാംഗമാണ്​. അവിവാഹിതനാണ്​. മാതാവ്​: രാജമ്മ. സഹോദരി: കുമാരി ദീപ.