പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവ് അറസ്റ്റിൽ

നേമം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ. വിളപ്പിൽ നെടുങ്കുഴി കുറ്റയത്തുകുഴി അഭിലാഷ് ഭവനിൽ വിക്കി എന്ന് വിളിക്കുന്ന അജേഷ് (20) ആണ് അറസ്റ്റിലായത്. ഇടമല സ്വദേശിനിയായ പെൺകുട്ടിയാണ് പീഡനത്തിന് ഇരയായത്.

സെപ്റ്റംബർ ഒമ്പതാം തീയതി മുതൽ ഇയാൾ പെൺകുട്ടിയെ പീഡിപ്പിച്ചു വരികയായിരുന്നു എന്നാണ് പരാതിയിൽ പറയുന്നത്. വിശദമായ അന്വേഷണത്തിനൊടുവിലാണ് പ്രതിയെ വിളപ്പിൽശാല പൊലീസ് അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.