ഉ​ന്ന​ത ക​ലാ​ല​യ​ങ്ങ​ളി​ൽ വ​യ​നാ​ട്ടി​ലെ വി​ദ്യാ​ർ​ഥി​ക​ളെ എ​ത്തി​ക്കാ​ൻ ജി​ല്ല പ​ഞ്ചാ​യ​ത്തി​ന്റെ ‘ക​രി​യ​ര്‍ പാ​ത്ത്’

ക​ൽ​പ​റ്റ: കേ​ന്ദ്ര സ​ർ​വ​ക​ലാ​ശാ​ല പ്ര​വേ​ശ​ന​ത്തി​ന് ജി​ല്ല​യി​ലെ വി​ദ്യാ​ർ​ഥി​ക​ള്‍ക്ക് കൂ​ടു​ത​ല്‍ അ​വ​സ​ര​മൊ​രു​ക്കാ​ന്‍ ജി​ല്ല പ​ഞ്ചാ​യ​ത്ത് ‘ക​രി​യ​ര്‍ പാ​ത്ത്’ തു​ട​ങ്ങു​ന്നു. ജി​ല്ല പ​ഞ്ചാ​യ​ത്തി​ന്റെ സ​മ​ഗ്ര വി​ദ്യാ​ഭ്യാ​സ വി​ക​സ​ന പ​ദ്ധ​തി​യാ​യ ‘ഉ​യ​രെ’​യു​ടെ ഭാ​ഗ​മാ​യാ​ണ് ക​രി​യ​ര്‍ പാ​ത്ത് എ​ന്ന പേ​രി​ല്‍ പ​ദ്ധ​തി തു​ട​ങ്ങു​ന്ന​ത്.

ജി​ല്ല​യി​ലെ പ്ല​സ് ടു ​വി​ദ്യാ​ർ​ഥി​ക​ള്‍ക്ക് പ്ര​വേ​ശ​ന പ​രീ​ക്ഷ​ക​ളി​ല്‍ ഉ​ന്ന​ത വി​ജ​യം നേ​ടാ​നു​ള്ള പ​രി​ശീ​ല​ന​മാ​ണ് ന​ല്‍കു​ക. രാ​ജീ​വ് ഗാ​ന്ധി നാ​ഷ​ന​ല്‍ ഇ​ന്‍സ്റ്റി​റ്റ്യൂ​ട്ടി​ലെ പൂ​ർ​വ വി​ദ്യാ​ർ​ഥി​ക​ളു​ടെ സോ​ഷ്യ​ല്‍ എ​ൻ​ജി​നീ​യ​റി​ങ് ടീ​മാ​യ വീ​കാ​നു​മാ​യി സ​ഹ​ക​രി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

ജി​ല്ല​യി​ലെ സ​ര്‍ക്കാ​ര്‍, അ​ർ​ധ സ​ര്‍ക്കാ​ര്‍, സ്വ​കാ​ര്യ സ്‌​കൂ​ളു​ക​ളി​ലെ മു​ഴു​വ​ന്‍ ഹ​യ​ര്‍ സെ​ക്ക​ൻ​ഡ​റി വി​ദ്യാ​ർ​ഥി​ക​ളെ​യും പ​ദ്ധ​തി​യു​ടെ ഭാ​ഗ​മാ​ക്കും. കേ​ന്ദ്ര സ​ർ​വ​ക​ലാ​ശാ​ല​ക​ളി​ല്‍ വ​യ​നാ​ട് ജി​ല്ല​യി​ല്‍ നി​ന്ന് 1000 വി​ദ്യാ​ർ​ഥി​ക​ളു​ടെ പ്രാ​തി​നി​ധ്യം ഉ​റ​പ്പാ​ക്കു​ക​യാ​ണ് പ​ദ്ധ​തി ല​ക്ഷ്യം. വി​ദ്യാ​ർ​ഥി​ക​ള്‍ക്ക് അ​വ​രു​ടെ അ​ഭി​രു​ചി​ക്ക​നു​സ​രി​ച്ച് വി​വി​ധ കോ​ഴ്‌​സു​ക​ളി​ല്‍ പ്ര​വേ​ശ​നം നേ​ടി​യെ​ടു​ക്കാ​ൻ പ​ദ്ധ​തി​യി​ലൂ​ടെ പ​രി​ശീ​ല​നം ന​ല്‍കും.

ജി​ല്ല ആ​സൂ​ത്ര​ണ ഭ​വ​നി​ലെ എ.​പി.​ജെ ഹാ​ളി​ല്‍ ന​ട​ന്ന പ്രാ​ഥ​മി​ക ച​ര്‍ച്ച​യു​ടെ ഉ​ദ്ഘാ​ട​നം ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് സം​ഷാ​ദ് മ​ര​ക്കാ​ര്‍ നി​ർ​വ​ഹി​ച്ചു. വൈ​സ് പ്ര​സി​ഡ​ന്റ് എ​സ്. ബി​ന്ദു അ​ധ്യ​ക്ഷ​ത വ​ഹി​ച്ചു. പ്രോ​ജ​ക്ട് കോ​ഓ​ഡി​നേ​റ്റ​ര്‍ അ​ഖി​ല്‍ കു​ര്യ​ന്‍ പ​ദ്ധ​തി വി​ശ​ദീ​ക​രി​ച്ചു.

ജി​ല്ല പ​ഞ്ചാ​യ​ത്ത് ആ​രോ​ഗ്യ വി​ദ്യാ​ഭ്യാ​സ സ്ഥി​രം​സ​മി​തി ചെ​യ​ര്‍മാ​ന്‍ എം. ​മു​ഹ​മ്മ​ദ് ബ​ഷീ​ര്‍, ക്ഷേ​മ​കാ​ര്യ സ്ഥി​രം​സ​മി​തി ചെ​യ​ര്‍മാ​ന്‍ ജു​നൈ​ദ് കൈ​പ്പാ​ണി, വി​ക​സ​ന​കാ​ര്യ സ്ഥി​രം​സ​മി​തി ചെ​യ​ര്‍പേ​ഴ്‌​സ​ൻ ഉ​ഷ ത​മ്പി, പൊ​തു​മ​രാ​മ​ത്ത് സ്ഥി​രം​സ​മി​തി ചെ​യ​ര്‍പേ​ഴ്‌​സ​ൻ ബീ​ന ജോ​സ്, ഹ​യ​ര്‍ സെ​ക്ക​ൻ​ഡ​റി കോ​ഓ​ഡി​നേ​റ്റ​ര്‍ ഷി​വി കൃ​ഷ്ണ​ന്‍, ജി​ല്ല പ​ഞ്ചാ​യ​ത്ത് സെ​ക്ര​ട്ട​റി പി.​സി. മ​ജീ​ദ്, മെം​ബ​ര്‍മാ​രാ​യ മീ​നാ​ക്ഷി രാ​മ​ന്‍, സീ​ത വി​ജ​യ​ന്‍, കെ.​ബി. ന​സീ​മ, ബി​ന്ദു പ്ര​കാ​ശ്, സി​ന്ധു ശ്രീ​ധ​ര്‍ തു​ട​ങ്ങി​യ​വ​ര്‍ സം​സാ​രി​ച്ചു. ച​ര്‍ച്ച​യി​ല്‍ സ്‌​കൂ​ള്‍ പ്രി​ന്‍സി​പ്പ​ൽ​മാ​രും​ വി​ദ്യാ​ഭ്യാ​സ പ്ര​തി​നി​ധി​ക​ളും പ​ങ്കാ​ളി​ക​ളാ​യി.

പ​രി​ശീ​ല​നം മൂ​ന്ന് ഘ​ട്ട​ങ്ങ​ളി​ലാ​യി

ഒ​ന്നാം ഘ​ട്ടം

ആ​ദ്യ​ഘ​ട്ട​ത്തി​ല്‍ ജി​ല്ല​യി​ലെ ഹ​യ​ര്‍ സെ​ക്ക​ൻ​ഡ​റി വി​ദ്യാ​ർ​ഥി​ക​ള്‍ക്ക് കേ​ന്ദ്ര-​സം​സ്ഥാ​ന, മ​റ്റ് സ്വ​കാ​ര്യ സ​ര്‍വ​ക​ലാ​ശാ​ല​ക​ളി​ലെ​യും കാ​മ്പ​സ്, ലൈ​ബ്ര​റി, ഫാ​ക്ക​ല്‍റ്റി​ക​ള്‍, വി​വി​ധ സ്‌​കോ​ള​ര്‍ഷി​പ്പു​ക​ള്‍, പ്ലേ​സ്‌​മെ​ന്റു​ക​ള്‍ എ​ന്നി​വ ഉ​ള്‍പ്പെ​ടു​ത്തി ബോ​ധ​വ​ത്ക​ര​ണ ക്ലാ​സു​ക​ള്‍ സം​ഘ​ടി​പ്പി​ക്കും. ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ലെ വി​ദ​ഗ്ദ​രു​ടെ മേ​ല്‍നോ​ട്ട​ത്തി​ലാ​ണ് ബോ​ധ​വ​ല്‍ക്ക​ര​ണ ക്ലാ​സു​ക​ള്‍ ന​ട​ത്തു​ക.

ര​ണ്ട്, മൂ​ന്ന് ഘ​ട്ടം

മി​ക​വ് പു​ല​ര്‍ത്തു​ന്ന വി​ദ്യാ​ർ​ഥി​ക​ളെ ഉ​ള്‍പ്പെ​ടു​ത്തി ര​ണ്ടും മൂ​ന്നും ഘ​ട്ട​ങ്ങ​ളി​ല്‍ പ്ര​വേ​ശ​ന പ​രീ​ക്ഷ​ക​ള്‍ക്കു​ള്ള തീ​വ്ര പ​രി​ശീ​ല​നം ന​ല്‍കും. ഓ​ഫ്ലൈ​നാ​യി ന​ട​ത്തു​ന്ന പ​രി​ശീ​ല​ന​ത്തി​ല്‍ മോ​ക് ടെ​സ്റ്റും ഹെ​ല്‍പ് ഡെസ്കും ഉ​ണ്ടാ​കും.