മെഡിക്കൽ വിദ്യാർഥിനി കോളജ്  കെട്ടിടത്തിൽ നിന്ന് ചാടി മരിച്ചു

മുക്കം: മെഡിക്കൽ വിദ്യാർഥിനി കോളജ് കെട്ടിടത്തിൽനിന്ന് ചാടി ആത്​മഹത്യ ചെയ്തു. മണാശ്ശേരി  കെ.എം.സി.ടി മെഡിക്കൽ കോളജിലെ നാലാം വർഷ എം.ബി.ബി.എസ് വിദ്യാർഥിനിയും തൃശൂർ എടതുരുത്തി സ്വദേശിയുമായ ഊഷ്മൾ (22) ആണ്​ മരിച്ചത്. കാമ്പസിലെ ഡ​െൻറൽ കോളജ്  കെട്ടിടത്തിലെ മൂന്നാം നിലയിൽനിന്നാണ്​ ചാടിയത്. ബുധനാഴ്​ച വൈകുന്നേരം അഞ്ചു മണിയോടെയാണ്  സംഭവം.

ഇരുകാലിനും നട്ടെല്ലിനും ഗുരുതരമായി പരിക്കേറ്റു. ഉടനെ കെ.എം.സി.ടി ആശുപത്രിയിലെ  തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം  കെ.എം.സി.ടി ആശുപത്രിയിൽതന്നെയാണ്. തൃശൂരിൽനിന്ന് ബന്ധുക്കളെത്തിയ ഉടനെ പോസ്​റ്റുമോർട്ട നടപടികൾക്കായി കോഴിക്കോട് മെഡിക്കൽ കോളജിലേക്കു മാറ്റുമെന്ന് മുക്കം പൊലീസ് പറഞ്ഞു. പിതാവ് ധർമപാലൻ.