സൂപ്രണ്ടിന്റെ മാനസികപീഡനമെന്ന്; ഡെപ്യൂട്ടി നഴ്‌സിങ് സൂപ്രണ്ട് ആത്മഹത്യക്കു ശ്രമിച്ചു

ഇ​രി​ങ്ങാ​ല​ക്കു​ട: ജ​ന​റ​ല്‍ ആ​ശു​പ​ത്രി​യി​ല്‍ സൂ​പ്ര​ണ്ടി​ന്റെ മാ​ന​സി​ക​പീ​ഡ​ന​ത്തെ തു​ട​ർ​ന്ന് ഡെ​പ്യൂ​ട്ടി ന​ഴ്‌​സി​ങ് സൂ​പ്ര​ണ്ട് ആ​ത്മ​ഹ​ത്യ​ക്കു ശ്ര​മി​ച്ച​താ​യി ആ​ക്ഷേ​പം. പേ​രാ​മ്പ്ര സ്വ​ദേ​ശി മ​ണ്ഡ​ലി വീ​ട്ടി​ല്‍ ഡീ​ന ജോ​ണ്‍ (51) ആ​ണ് ശ​നി​യാ​ഴ്ച സൂ​പ്ര​ണ്ടി​ന്റെ മു​റി​യി​ല്‍ ഗു​ളി​ക ക​ഴി​ച്ച് ആ​ത്മ​ഹ​ത്യ​ക്കു ശ്ര​മി​ച്ച​ത്. സ​ഹ​പ്ര​വ​ര്‍ത്ത​ക ത​ട്ടി​ക്ക​ള​ഞ്ഞ​തി​നാ​ല്‍ കു​റ​ച്ച് ഗു​ളി​ക​ക​ള്‍ മാ​ത്ര​മാ​ണ് വ​യ​റ്റി​ന​ക​ത്തു പോ​യ​ത്. ക്രി​സ്മ​സി​ന് ഡീ​ന മൂ​ന്നു ദി​വ​സ​ത്തെ അ​വ​ധി ചോ​ദി​ച്ച് അ​പേ​ക്ഷ ന​ല്‍കി​യി​രു​ന്നു.

എ​ന്നാ​ല്‍, ആ​ശു​പ​ത്രി​യി​ല്‍ ക്രി​സ്മ​സ് ആ​ഘോ​ഷം ന​ട​ക്കു​ന്ന​തി​നാ​ല്‍ നി​ര്‍ബ​ന്ധ​മാ​യും പ​ങ്കെ​ടു​ക്ക​ണ​മെ​ന്ന അ​നൗ​ദ്യോ​ഗി​ക നി​ര്‍ദേ​ശ​മു​ള്ള​തി​നാ​ല്‍ അ​വ​ധി ന​ല്‍കാ​ന്‍ സാ​ധി​ക്കി​ല്ലെ​ന്ന് സൂ​പ്ര​ണ്ട് പ​റ​ഞ്ഞ​താ​യി ഡീ​ന പ​റ​യു​ന്നു. എ​ന്നാ​ല്‍, അ​ന്നേ​ദി​വ​സം ഡീ​ന അ​വ​ധി എ​ടു​ക്കു​ക​യും ചെ​യ്തു. ഇ​തി​ന് സൂ​പ്ര​ണ്ട് മെ​മ്മോ ന​ല്‍കി​യി​രു​ന്നു. മെ​മ്മോ​ക്ക് ന​ല്‍കി​യ വി​ശ​ദീ​ക​ര​ണം തൃ​പ്തി​ക​ര​മ​ല്ലെ​ന്ന കാ​ര​ണം പ​റ​ഞ്ഞ് സൂ​പ്ര​ണ്ടി​ന്റെ മു​റി​യി​ലേ​ക്ക് വി​ളി​ച്ചു​വ​രു​ത്തി അ​ധി​ക്ഷേ​പി​ച്ച് സം​സാ​രി​ച്ച​തി​ല്‍ മ​നം​നൊ​ന്താ​ണ് ആ​ത്മ​ഹ​ത്യ​ക്കു ശ്ര​മി​ച്ച​തെ​ന്ന് ഡീ​ന മാ​ധ്യ​മ​ങ്ങ​ളോ​ട് പ​റ​ഞ്ഞു.