തിയറ്ററുകൾ തുറക്കാൻ ഡിസംബർ വരെ കാത്തിരിക്കണം -മന്ത്രി സജി ചെറിയാൻ

തിരുവനന്തപുരം: സംസ്ഥാനത്ത് സിനിമ തിയറ്ററുകൾ ഉടൻ തുറക്കാനാവില്ലെന്ന് സിനിമ മന്ത്രി സജി ചെറിയാൻ. പ്രതിദിന കോവിഡ് രോഗികളുടെ എണ്ണത്തിലെ വർധന ആശങ്കയോടെയാണ് കാണുന്നത്. ടി.പി.ആർ നിരക്ക് എട്ട് ശതമാനത്തിൽ താഴെയെങ്കിലും വന്നാൽ മാത്രമേ തി യറ്ററുകൾ തുറക്കുന്നത് പരി​ഗണിക്കുകയുള്ളൂവെന്നും സജി ചെറിയാൻ പറഞ്ഞു.

കോവിഡ് മരണങ്ങൾ കൂടി വരുന്നത് സാഹചര്യം ജാഗ്രതയോടെ എടുക്കണം. അടുത്ത നാലു മാസത്തേക്ക് കൂടി തിയറ്റർ തുറക്കുന്നത് പ്രതിസന്ധി സൃഷ്ടിക്കുമെന്നും സജി ചെറിയാൻ നിയമസഭയിൽ വ്യക്തമാക്കി.