പൗരത്വ ഭേദഗതി നിയമം: ​പോരാട്ടത്തിൽ വർഗീയ, തീവ്രവാദ ശക്തികൾക്ക്​ ഇടം നൽകരുത്​ -മുഖ്യമന്ത്രി

കണ്ണൂർ: പൗരത്വ ഭേദഗതി നിയമത്തിനെതിരെ പോരാട്ടവും പ്രതിഷേധവും ശക്തിപ്പെടുത്തു​േമ്പാൾ വർഗീയ-തീവ്രവാദ ശക്തിക ൾക്ക്​ ഒരിടവും നൽകരുതെന്നും അത്തരക്കാർക്ക്​ ഒരവസരവും ഉണ്ടാകരുതെന്നും ​മുഖ്യമന്ത്രി പിണറായി വിജയൻ. അഖിലേന്ത്യാ കർഷകത്തൊഴിലാളി യൂനിയൻ ദേശീയസമ്മേളന സമാപനത്തി​​െൻറ ഭാഗമായി കണ്ണൂർ കലക്​ടറേറ്റ്​ മൈതാനിയിൽ സംഘടിപ്പിച്ച കർഷകറാലി ഉദ്​ഘാടനം ചെയ്യുകയായിരുന്നു അദ്ദേഹം. ഇൗ ജാഗ്രത എല്ലാ മതനിരപേക്ഷ ശക്തികളും പുലർത്തണം.

യു.ഡി.എഫ്​ യോജിച്ചാലും ഇല്ലെങ്കിലും കേരളത്തി​​െൻറ മനസ്സ്​ പൗരത്വ ഭേദഗതി നിയമത്തി​നെതിരെ ഒന്നാണ്​. കേരള നിയമസഭയിൽ ഇൗ പൊതുമനസ്സാണ്​ കണ്ടത്​. ഇൗ മാതൃക പിന്തുടരണമെന്ന്​ ആവശ്യപ്പെട്ട്​ രാജ്യത്ത്​ നിയമത്തിനെതിരെ രംഗത്തുവന്ന മുഖ്യമന്ത്രിമാർക്ക്​ കത്തയച്ചിട്ടുണ്ടെന്നും അദ്ദേഹം വ്യക്തമാക്കി.

കേന്ദ്രസർക്കാർ പറയുന്നതനുസരിച്ച്​ അതിന്​ അടിയിൽ ഒപ്പുവെച്ചുകൊടുക്കേണ്ട ഒരു സംവിധാനമല്ല നിയമസഭ​. സ്വതന്ത്രമായി ചിന്തിച്ച്​ അഭിപ്രായം പറയാനുള്ള അവകാശം നിയമസഭക്കുണ്ട്​. അത്​ ഭരണഘടനാപരമായി ലഭിച്ചതാണ്​. ഭരണഘടനയെ വെല്ലുവിളിക്കുന്നവർക്ക്​ ഭരണഘടനാപരമായ അവകാശം ഉന്നയിക്കു​ന്നതിനെതിരെ സംസാരിക്കാം. അത്തരം പ്രതികരണത്തെ ആ നിലക്കേ കാണേണ്ടതുള്ളൂവെന്നും ഗവർണറുടെ ​േപരെടുത്തുപറയാതെ മുഖ്യമന്ത്രി സൂചിപ്പിച്ചു.