‘സ്വാമി അയ്യപ്പൻ’ തപാലിന്​ വയസ്​ അമ്പത്​

ശ​ബ​രി​മ​ല: ഇ​ന്ത്യ​ൻ രാ​ഷ്ട്ര​പ​തി ക​ഴി​ഞ്ഞാ​ൽ സ്വ​ന്തം പേ​രി​ൽ ത​പാ​ൽ മു​ദ്ര​യു​ള്ള ശ​ബ​രി​മ​ല അ​യ്യ​പ്പ​ന്‍റെ സ്വ​ന്തം പോ​സ്റ്റ് ഓ​ഫി​സി​ന് ഇ​ത് അ​മ്പ​താം വ​യ​സ്. സ്വാ​മി അ​യ്യ​പ്പ​ൻ, ശ​ബ​രി​മ​ല സ​ന്നി​ധാ​നം, 689713 എ​ന്ന​താ​ണ് പോ​സ്റ്റ് ഓ​ഫി​സി​ന്റെ മേ​ൽ​വി​ലാ​സം. ഈ ​വി​ലാ​സ​ത്തി​ൽ അ​യ​ക്കു​ന്ന ക​ത്തു​ക​ളും കാ​ണി​ക്ക​യാ​യു​ള്ള മ​ണി​യോ​ർ​ഡ​റു​ക​ളും എ​ല്ലാ സീ​സ​ണി​ലും ഇ​വി​ടെ ല​ഭി​ക്കും.

1974ലെ ​മ​ണ്ഡ​ല കാ​ല​ത്താ​ണ് പൂ​ർ​ണ സം​വി​ധാ​ന​ത്തോ​ടെ സ​ന്നി​ധാ​ന​ത്ത് ത​പാ​ൽ ഓ​ഫി​സ് തു​ട​ങ്ങി​യ​ത്. മ​ണ്ഡ​ല- മ​ക​ര​വി​ള​ക്ക് കാ​ല​ത്തും വി​ഷു​വി​നും മാ​ത്ര​മാ​ണ് പ്ര​വ​ർ​ത്ത​നം. ക​ത്തു​ക​ളും കാ​ർ​ഡു​ക​ളും അ​യ​ക്കാ​ൻ ഉ​പ​യോ​ഗി​ക്കു​ന്ന അ​യ്യ​പ്പ മു​ദ്ര​യാ​ണ് പോ​സ്റ്റ് ഓ​ഫി​സി​ന്റെ പ്ര​ധാ​ന പ്ര​ത്യേ​ക​ത. അ​യ്യ​പ്പ​ന്‍റെ മു​ദ്ര പ​തി​ച്ച പോ​സ്റ്റ​ൽ കാ​ർ​ഡു​ക​ളും ഇ​വി​ടെ ല​ഭ്യ​മാ​ണ്. ശ​ബ​രി​മ​ല​യി​ൽ എ​ത്തു​ന്ന ഇ​ത​ര സം​സ്ഥാ​ന തീ​ർ​ഥാ​ട​ക​ർ അ​ട​ക്ക​മു​ള്ള​വ​ർ ഈ ​കാ​ർ​ഡു​ക​ൾ സ​ന്നി​ധാ​ന​ത്ത് നി​ന്നും ത​ങ്ങ​ളു​ടെ ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും അ​യ​ക്കാ​റു​ണ്ട്.

രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്നും വി​വാ​ഹ ക്ഷ​ണ​പ​ത്രി​ക, ഗൃ​ഹ​പ്ര​വേ​ശ​ന പ​ത്രി​ക, മ​റ്റ് പ്രാ​ർ​ഥ​ന​ക​ൾ എ​ന്നി​വ​യും അ​യ്യ​പ്പ​ന്‍റെ പേ​രി​ൽ ല​ഭി​ക്കാ​റു​ണ്ട്. ഇ​വ ദേ​വ​സ്വം അ​ധി​കൃ​ത​ർ​ക്ക് കൈ​മാ​റു​ക​യാ​ണ് ചെ​യ്യു​ന്ന​തെ​ന്ന് പോ​സ്റ്റ് മാ​സ്റ്റ​ർ എം. ​മ​നോ​ജ് കു​മാ​ർ പ​റ​ഞ്ഞു. പോ​സ്റ്റ് മാ​സ്റ്റ​ർ അ​ട​ക്കം നാ​ല് ജീ​വ​ന​ക്കാ​രാ​ണ് ഇ​വി​ടെ​യു​ള്ള​ത്.