പൂട്ടിയിട്ട കുട്ടികളെ രക്ഷപ്പെടുത്തി; ദേ​ഹം മു​ഴു​വ​ൻ അ​ടി​യേ​റ്റ പാ​ടു​ക​ൾ, ര​ക്ഷി​താ​ക്ക​ൾ ക​സ്​​റ്റ​ഡി​യി​ൽ

മ​മ്പാ​ട് (മ​ല​പ്പു​റം): ഭ​ക്ഷ​ണം ന​ൽ​കാ​തെ​യും ക്രൂ​ര​മാ​യി മ​ർ​ദി​ച്ചും ദ​മ്പ​തി​ക​ൾ പൂ​ട്ടി​യി​ട്ട ര​ണ്ട്​ കു​ട്ടി​ക​ളെ നാ​ട്ടു​കാർ ര​ക്ഷ​പ്പെ​ടു​ത്തി ആ​ശു​പ​ത്രി​യി​ലെ​ത്തി​ച്ചു. പ​ട്ടി​ണി കി​ട​ന്ന്​ അ​വ​ശ നി​ല​യി​ലാ​യി​രു​ന്നു അ​ഞ്ച​ര​ വ​യ​സ്സു​ള്ള പെ​ൺ​കു​ട്ടി​യും മൂ​ന്ന്​ വ​യ​സ്സു​ള്ള ആ​ൺ​കു​ട്ടി​യും. പ​തി​വാ​യി വീ​ടി​നു​ള്ളി​ൽ അ​ട​ച്ചി​ട്ട് പോ​കു​ന്ന പി​താ​വും കു​ട്ടി​ക​ളു​ടെ അ​മ്മ​യു​ടെ സ​ഹോ​ദ​രി​യും ഇ​വ​ർ​ക്ക്​ ഭ​ക്ഷ​ണ​മോ വെ​ള്ള​മോ ന​ൽ​കി​യി​രു​ന്നി​ല്ല.

ആ​ശു​പ​ത്രി​യി​ൽ ന​ട​ത്തി​യ പ​രി​ശോ​ധ​ന​യി​ൽ കു​ട്ടി​ക​ളു​ടെ ദേ​ഹ​ത്ത് മു​ഴു​വ​ൻ അ​ടി​യേ​റ്റ പാ​ടു​ക​ൾ ക​ണ്ടെ​ത്തി. പി​താ​വ്​ ത​മി​ഴ്​​നാ​ട്​ വി​രു​താ​ച​ലം സ്വ​ദേ​ശി ത​ങ്ക​രാ​ജ്, ഭാ​ര്യ മാ​രി​യ​മ്മ എ​ന്നി​വ​രെ പൊ​ലീ​സ് ക​സ്​​റ്റ​ഡി​യി​ലെ​ടു​ത്തു. ജു​വൈ​ന​ൽ ജ​സ്​​റ്റി​സ്​ പ്ര​കാ​രം ഇ​വ​ർ​ക്കെ​തി​രെ കേ​സെ​ടു​ത്ത്​ അ​ന്വേ​ഷ​ണ​മാ​രം​ഭി​ച്ചു. കൂ​ലി​പ്പ​ണി​ക്കാ​രാ​യ ഇ​വ​ർ വാ​ട​ക​വീ​ട്ടി​ലാ​ണ്​ താ​മ​സി​ക്കു​ന്ന​ത്. കു​ട്ടി​ക​ളു​ടെ അ​മ്മ മ​ഹേ​ശ്വ​രി മ​രി​ച്ച ശേ​ഷം ത​ങ്ക​രാ​ജ് അ​വ​രു​ടെ സ​ഹോ​ദ​രി​യാ​യ മാ​രി​യ​മ്മ​യെ വി​വാ​ഹം ക​ഴി​ക്കു​ക​യാ​യി​രു​ന്നു.

പീ​ഡ​നം ശ്ര​ദ്ധ​യി​ൽ​പെ​ട്ട​തി​നെ​തു​ട​ർ​ന്ന് ബു​ധ​നാ​​ഴ്​​ച രാ​വി​ലെ പ​തി​നൊ​ന്നോ​ടെ​യാ​ണ്​ തൊ​ട്ട​ടു​ത്ത മു​റി​യി​ൽ താ​മ​സി​ക്കു​ന്ന ബം​ഗാ​ൾ സ്വ​ദേ​ശി നാ​ട്ടു​കാ​രെ വി​വ​ര​മ​റി​യി​ച്ച​ത്. പ​ഞ്ചാ​യ​ത്ത് അ​ധി​കൃ​ത​രെ​ത്തി പൂ​ട്ട്​ പൊ​ളി​ച്ച് അ​ക​ത്ത്​ പ്ര​വേ​ശി​ച്ച​പ്പോ​​ഴാ​ണ്​ കു​ട്ടി​ക​ളെ അ​വ​ശ​നി​ല​യി​ൽ ക​ണ്ട​ത്. ദി​വ​സ​ങ്ങ​ളാ​യി ഭ​ക്ഷ​ണം കി​ട്ടാ​തെ അ​വ​ശ​രാ​യ ഇ​വ​ർ നേ​രെ നി​ൽ​ക്കാ​നോ ന​ട​ക്കാ​നോ ക​ഴി​യാ​ത്ത അ​വ​സ്ഥ​യി​ലാ​യി​രു​ന്നു.

ഇ​ള​യ കു​ട്ടി​ക്ക് ക​ണ്ണ്​ തു​റ​ക്കാ​ൻ പോ​ലും പ​റ്റി​യി​രു​ന്നി​ല്ല. കു​ട്ടി​ക​ളെ നി​ല​മ്പൂ​ര്‍ ജി​ല്ല ആ​ശു​പ​ത്രി​യി​ലേ​ക്ക്​ മാ​റ്റി. ആ​ശു​പ​ത്രി​യി​ലെ​ത്തി​ച്ച് വെ​ള്ള​വും ബി​സ്ക​റ്റും മ​റ്റും ന​ൽ​കി​യ​തോ​ടെ​യാ​ണ് നി​ല അ​ൽ​പം മെ​ച്ച​പ്പെ​ട്ട​ത്. ദ​മ്പ​തി​ക​ളെ വി​ശ​ദ​മാ​യി ചോ​ദ്യം ചെ​യ്യ​ണ​മെ​ന്നും കു​ട്ടി​ക​ൾ ഇ​വ​രു​ടേ​ത് ത​ന്നെ​യാ​ണോ എ​ന്നു​റ​പ്പാ​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു. ചോ​ദ്യം ചെ​യ്യ​ലി​ൽ കു​ട്ടി​ക​ൾ ത​ങ്ങ​ളു​ടേ​ത് ത​ന്നെ​യാ​ണെ​ന്നും പു​റ​ത്തി​റ​ങ്ങി പോ​കാ​തി​രി​ക്കാ​നാ​ണ് പൂ​ട്ടി​യി​ട്ട​തെ​ന്നും ര​ക്ഷി​താ​ക്ക​ൾ പ​റ​ഞ്ഞു.