ഫേ​സ്​​ബു​ക്കി​ലൂ​ടെ പ​രി​ച​യപ്പെട്ട യു​വ​തി​യു​മൊ​ന്നി​ച്ച് ലോ​ഡ്ജി​ൽ മു​റി​യെ​ടു​ത്ത യു​വാ​വ് മരിച്ച നിലയിൽ

അ​ടൂ​ര്‍: ഫേ​സ്​​ബു​ക്കി​ലൂ​ടെ പ​രി​ച​യ​ത്തി​ലാ​യ യു​വ​തി​യു​മൊ​ന്നി​ച്ച് ലോ​ഡ്ജി​ൽ മു​റി​യെ​ടു​ത്ത യു​വാ​വി​നെ ജ​ന​ൽ ക​മ്പി​യി​ൽ തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി. യു​വ​തി​യെ അ​വ​ശ​നി​ല​യി​ൽ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

കൊ​ല്ലം കു​ന്ന​ത്തൂ​ര്‍ പു​ത്ത​ന​മ്പ​ലം ശ്രീനിലയത്തിൽ ശ്രീ​ജി​ത്താ​ണ്​ (30) മ​രി​ച്ച​ത്. ഒ​പ്പ​മു​ണ്ടാ​യി​രു​ന്ന തി​രു​വ​ന​ന്ത​പു​രം സ്വ​ദേ​ശി​നി​യെ​യാ​ണ്​ അ​വ​ശ​നി​ല​യി​ൽ ക​ണ്ടെ​ത്തി​യ​ത്.

അ​ടൂ​ര്‍ കെ.​എ​സ്.​ആ​ർ.​ടി.​സി ബ​സ്​​സ്റ്റാ​ൻ​ഡി​ന്​ സ​മീ​പ​ത്തെ ലോ​ഡ്ജി​ലെ മു​റി​യി​ൽ ഞാ​യ​റാ​ഴ്ച രാ​ത്രി 9.15നാ​ണ് സം​ഭ​വം. 11ന് ​രാ​വി​ലെ 10നാ​ണ് ഇ​രു​വ​രും മു​റി എ​ടു​ത്ത​ത്. ഞാ​യ​റാ​ഴ്ച രാ​ത്രി മു​റി​യി​ല്‍നി​ന്ന് യു​വ​തി​യു​ടെ ബ​ഹ​ളം കേ​ട്ട​തി​നെ തു​ട​ര്‍ന്ന് മാ​നേ​ജ​ര്‍ ചെ​ന്ന് നോ​ക്കി​യ​പ്പോ​ഴാ​ണ് ജ​നാ​ല​യി​ല്‍ ഷാ​ളി​ല്‍ ശ്രീ​ജി​ത്തി​നെ തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്.

യു​വ​തി ചെ​വി​യി​ല്‍നി​ന്ന് ര​ക്തം പു​റ​ത്തേ​ക്കു​വ​രു​ന്ന അ​വ​സ്ഥ​യി​ലാ​യി​രു​ന്നു. മാ​നേ​ജ​ര്‍ വി​വ​രം അ​റി​യി​ച്ച​തി​നെ തു​ട​ര്‍ന്ന് പൊ​ലീ​സെ​ത്തി യു​വ​തി​യെ ആ​ശു​പ​ത്രി​യി​ലേ​ക്ക് മാ​റ്റി. മ​രി​ക്ക​ണം എ​ന്ന ഉ​ദ്ദേ​ശ്യ​ത്തോ​ടെ​യാ​ണ് അ​ടൂ​രി​ൽ എ​ത്തി​യ​തെ​ന്നും ഭ​യ​ത്താ​ൽ മ​രി​ക്കാ​ൻ താ​ൻ ത​യാ​റാ​യി​ല്ലെ​ന്നും യു​വ​തി പൊ​ലീ​സി​ന് ന​ൽ​കി​യ മൊ​ഴി​യി​ൽ പ​റ​യു​ന്നു. ശ്രീ​ജി​ത് നി​ർ​ബ​ന്ധ​പൂ​ർ​വം ന​ൽ​കി​യ ഗു​ളി​ക ക​ഴി​ച്ച​താ​യും ഇ​താ​ണ് അ​ബോ​ധാ​വ​സ്ഥ​യി​ൽ ആ​കാ​ൻ കാ​ര​ണ​മെ​ന്നും ബോ​ധം വ​ന്ന​പ്പോ​ൾ ശ്രീ​ജി​ത് തൂ​ങ്ങി​നി​ൽ​ക്കു​ന്ന​താ​ണ് ക​ണ്ട​തെ​ന്നും യു​വ​തി ന​ൽ​കി​യ മൊ​ഴി​യി​ൽ പ​റ​യു​ന്നു.

ശ്രീ​ജി​ത്തി​ന്‍റെ മൃ​ത​ദേ​ഹം ന​ട​പ​ടി​ക​ൾ പൂ​ർ​ത്തി​യാ​ക്കി ബ​ന്ധു​ക്ക​ൾ​ക്ക് വി​ട്ടു​ന​ൽ​കി. വി​വാ​ഹി​ത​നും ര​ണ്ട് കു​ട്ടി​ക​ളു​ടെ പി​താ​വു​മാ​ണ് യുവാവ്. യു​വ​തി വി​വാ​ഹി​ത​യാണ്. ഒ​രു കു​ട്ടി​യു​മു​ണ്ട്. യു​വ​തി​യു​ടെ ഭ​ർ​ത്താ​വ് ഒ​രു വ​ർ​ഷം മു​മ്പ് മ​രി​ച്ച​താ​ണ്.