മെഡിക്കൽ കോളജ്​ ഡയാലിസിസ്​ യൂനിറ്റ്​ അണുവിമുക്തമാക്കിയെന്ന്​ അധികൃതർ

തിരുവനന്തപുരം: മെഡിക്കല്‍ കോളജ് ആശുപത്രിയിലെ ഡയാലീസിസ് യൂനിറ്റിലെ അണുബാധ സാന്നിധ്യം കണ്ടെത്തി ഉടന്‍ അണുവിമുക്തമാക്കിയതായി തിരുവനന്തപുരം മെഡിക്കൽ കോളജ് അധികൃതർ​. 

ഡയാലീസിസ് യൂണിറ്റില്‍ ആശുപത്രി അധികൃതര്‍ നടത്തുന്ന ദൈനംദിന പരിശോധനയിലാണ് ശനിയാഴ്ച അണുബാധ കണ്ടെത്തിയത്. ​ 

ദിവസേന മൈക്രോബയോളജി വിഭാഗം മെഡിക്കല്‍ കോളജ് ആശുപത്രിയിലെ ഡയാലിസിസ് യൂനിറ്റ് പരിശോധനക്ക് വിധേയമാക്കാറുണ്ട്. അതേ തുടര്‍ന്നാണ്  ശനിയാഴ്ച നടന്ന പരിശോധനയില്‍ ഡയാലിസിസ് യൂനിറ്റിലെ അഞ്ച് മെഷീനുകള്‍ക്ക് അണുബാധ ഉണ്ടായതായി കണ്ടെത്തിയത്. ഉടന്‍ തന്നെ യൂനിറ്റ് അടച്ച് ആര്‍.ഒ പ്ലാൻറ്​ അടക്കം അണുവിമുക്തമാക്കി ശുചീകരിച്ചതായി ആശുപത്രി അധികൃതർ വ്യക്തമാക്കി.

അതേസമയം, അപൂർവ്വമായ ബർക്കോൾഡേറിയ ബാക്​ടീരിയ രോഗികളിൽ ബാധിച്ചതായുള്ള വാർത്തകൾ പുറത്തു വന്നിട്ടുണ്ട്​. സൂപ്പർ സ്​പെഷ്യാലിറ്റി ബ്ലോക്കിലെ ഡയാലിസിസ്​ യൂനിറ്റിലെ ആറ്​ രോഗികളിലാണ്​ അണുബാധ സ്​ഥീരീകരിച്ചതെന്ന്​ റിപ്പോർട്ടിൽ പറയുന്നു. ഗുരുതര രോഗം ബാധിച്ചവരിൽ ബാക്​ടീരിയ ബാധ ഉണ്ടായാൽ മരണം വരെ സംഭവിക്കാമെന്നത്​ വിഷയത്തി​​​െൻറ ഗൗരവം വർധിപ്പിക്കുന്നു.

എന്നാൽ, ഇവിടെ ഡയാലിസീസ് നടത്തിയ ആറ് രോഗികളെ പ്രത്യേകമായി നിരീക്ഷിച്ചുവെങ്കിലും അവര്‍ക്ക് പ്രത്യേക രോഗലക്ഷണമൊന്നും കണ്ടെത്തിയി​െലന്നെ്​ ആശുപത്രി അധികൃതർ വ്യക്തമാക്കി. ശനിയാഴ്ച യൂനിറ്റ് അണുവിമുക്മാക്കിയതിന് ശേഷവും മൈക്രോബയോളജി വിഭാഗം പരിശോധന നടത്തിയിരുന്നു. തിങ്കളാഴ്ച മുതല്‍ ഡയാലിസിസ് തുടരാനുള്ള സാഹചര്യം ഒരുക്കിയിട്ടുണ്ടെന്നും ആര്‍.ഒ പ്ലാൻറിലെ ട്യൂബ്, ടാങ്ക് എന്നിവ മാറ്റാൻ തീരുമാനിച്ചതായും ആശുപത്രി അധികൃതര്‍ വ്യക്തമാക്കി.