കോട്ടയത്ത് പുരുഷശരീരം വെട്ടിനുറുക്കി ചാക്കിലാക്കി കുറ്റിക്കാട്ടിൽ തള്ളിയ നിലയിൽ

കോട്ടയം: പുരുഷശരീരം വെട്ടിനുറുക്കി രണ്ടു ചാക്കിലാക്കി പാടത്തിനരികിലെ കുറ്റിക്കാട്ടിൽ തള്ളിയ നിലയിൽ കണ്ടെത്തി. മൂർച്ചയേറിയ ആയുധം ഉപയോഗിച്ച്​ 40 വയസ്സ്​ തോന്നിക്കുന്നയാളുടെ കഴുത്തിനു താഴെയും അരയുടെ ഭാഗവും മുറിച്ചുമാറ്റി​യാണ്​ രണ്ടു ചാക്കിലാക്കിയത്​. തല കണ്ടെത്താനായിട്ടില്ല. കോട്ടയം-പുതുപ്പള്ളി റോഡിൽ മന്ദിരം കലുങ്ക്​ ജങ്​ഷനു​ സമീപത്തെ കുറ്റിക്കാട്ടിലാണ്​ നാലുദിവസം പഴക്കമുള്ള ശരീരഭാഗങ്ങൾ പുഴുവരിച്ച നിലയിൽ​ കണ്ടെത്തിയത്​. 

മൂന്നുദിവസമായി പ്രദേശത്ത്​ കനത്ത ദുർഗന്ധമായിരുന്നു. തുടർന്ന്​ കുറ്റിക്കാട്ടിൽ കണ്ടെത്തിയ ചാക്കിൽ കോഴിമാലിന്യമാണെന്ന്​ കരുതി പ്രദേശവാസി ബിജു കുഴിച്ചിടാൻ തൂമ്പ ഉപയോഗിച്ചു​ നീക്കിയപ്പോഴാണ്​ ഒരുകാൽ കണ്ടത്​. തുടർന്ന്​ ഇൗസ്​റ്റ്​ പൊലീസിൽ വിവരം അറിയിക്കുകയായിരുന്നു. പൊലീസെത്തി അടുത്തടുത്തായി കിടന്ന രണ്ടു ചാക്കും പരിശോധിച്ചപ്പോഴാണ്​ മൃതദേഹമാണെന്ന്​ തിരിച്ചറിഞ്ഞത്​. മെഷീൻ വാൾപോലെ മൂർച്ചയേറിയ ആയുധം ഉപയോഗിച്ച്​ ശരീരഭാഗങ്ങൾ മുറിച്ചുമാറ്റിയെന്നാണ്​ പ്രാഥമിക നിഗമനം. കഴുത്തിനു​ താഴെയുള്ള ഭാഗം ഒരുചാക്കിലും അരക്ക്​ താഴെയുള്ള ഭാഗം മറ്റൊരു ചാക്കിലുമാണ്​ കണ്ടെത്തിയത്​. കാൽഭാഗം കണ്ടെത്തിയ ചാക്കിൽ കാവിമുണ്ടും വള്ളിച്ചെരിപ്പും ലഭിച്ചു. നീലവരയൻ ഷർട്ടി​​​െൻറ കൈകൾ മുട്ടിനു​ മുകളിൽ മടക്കിവെച്ച നിലയിലാണ്​. വലത്​ കാലി​​​െൻറ കണ്ണയോട്​ ചേർന്ന്​ മുറിഞ്ഞതുപോലെ കാണാം. മൃതദേഹം പൂർണമായും അഴുകിയതിനാൽ മറ്റ്​ അടയാളങ്ങൾ ക​െണ്ടത്താനായില്ലെന്ന്​ പൊലീസ്​ പറഞ്ഞു. 

കോട്ടയം ജില്ല പൊലീസ് മേധാവി കറുപ്പ് സ്വാമിയുടെ നേതൃത്വത്തിൽ പൊലീസ്​ ഉദ്യോഗസ്ഥർ സ്ഥലത്തെത്തി. വ്യക്തി വൈരാഗ്യത്തെ തുടർന്നുള്ള ക്രൂരകൊലപാതകമാണിതെന്നാണ്​​ പൊലീസി​​​െൻറ പ്രാഥമിക നിഗമനം. ഇതി​​​െൻറ ഭാഗമായി സംസ്ഥാനത്ത്​ അടുത്തിടെ കാണാതായ ഗുണ്ട-ക്വട്ടേഷൻ ബന്ധമുള്ളവരുടെ വിവരം പൊലീസ് അന്വേഷിക്കുന്നുണ്ട്​. കോട്ടയം ഇൗസ്​റ്റ്​ സി.​െഎ സാജു വർഗീസിനാണ്​ അന്വേഷണച്ചുമതല. ഡോഗ് സ്​ക്വാഡ്​ സ്ഥലത്തെത്തിയെങ്കിലും തുമ്പ്​ ലഭിച്ചില്ല. ഫോറൻസിക്​ വിദഗ്​ധരും പരിശോധന നടത്തി. പാടത്തി​​​െൻറ വിവിധയിടങ്ങളിലും സമീപങ്ങളിലും പരിശോധന നടത്തിയെങ്കിലും മുറിച്ചുമാറ്റിയ തല കണ്ടെത്താനായില്ല. ഇൻക്വസ്​റ്റിനുശേഷം മൃതദേഹം കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി. സംഭവമറിഞ്ഞ്​ പ്രദേശത്തേക്ക്​ വൻജനാവലി എത്തിയിരുന്നു.