മാനസികാസ്വാസ്ഥ്യമുള്ള യുവതിയുടെ പരാക്രമം: പഞ്ചായത്ത് പ്രസിഡന്റ് ഉൾപ്പെടെയുള്ളവർക്ക് പരിക്ക്

തി​രൂ​ർ: പു​റ​ത്തൂ​ർ പ​ഞ്ചാ​യ​ത്ത് ഓ​ഫി​സി​ൽ മാ​ന​സി​കാ​സ്വാ​സ്ഥ്യ​മു​ള്ള യു​വ​തി​യു​ടെ പ​രാ​ക്ര​മം. പു​റ​ത്തൂ​ർ പ​ഞ്ചാ​യ​ത്ത് പ്ര​സി​ഡ​ന്റ് ഉ​ൾ​പ്പെ​ടെ​യു​ള്ള​വ​ർ​ക്ക് യു​വ​തി​യു​ടെ പ​രാ​ക്ര​മ​ത്തി​ൽ പ​രി​ക്കേ​റ്റു.പ​ടി​ഞ്ഞാ​റെ​ക്ക​ര സ്വ​ദേ​ശി​യാ​യ മാ​ന​സി​കാ​സ്വാ​സ്ഥ്യ​മു​ള്ള യു​വ​തി​യാ​ണ് വ്യാ​ഴാ​ഴ്ച വൈ​കീ​ട്ട് മൂ​ന്നോ​ടെ പു​റ​ത്തൂ​ർ പ​ഞ്ചാ​യ​ത്ത് ഓ​ഫി​സി​ൽ ക​യ​റി പ​രാ​ക്ര​മം കാ​ണി​ച്ച​ത്.

വ​ർ​ഷ​ങ്ങ​ൾ​ക്കു മു​മ്പ് നി​കു​തി​യാ​യി അ​ട​ച്ച പ​ണം തി​രി​കെ ന​ൽ​ക​ണ​മെ​ന്നാ​വ​ശ്യ​പ്പെ​ട്ടാ​ണ് യു​വ​തി ഓ​ഫി​സി​ലെ​ത്തി പ്ര​ശ്ന​മു​ണ്ടാ​ക്കി​യ​ത്. ബ​ഹ​ള​മു​ണ്ടാ​ക്കി​യ ഇ​വ​രെ മെം​ബ​ർ​മാ​രും മ​റ്റും അ​നു​ന​യി​പ്പി​ക്കാ​ൻ ശ്ര​മി​ച്ചു​വെ​ങ്കി​ലും ശ്ര​മം വി​ഫ​ല​മാ​യി. പൊ​ടു​ന്ന​നെ പ​ഞ്ചാ​യ​ത്ത് പ്ര​സി​ഡ​ന്റി​ന്റെ ഓ​ഫി​സി​ലേ​ക്ക് ക​യ​റി പ്ര​സി​ഡ​ന്റി​ന്റെ മൊ​ബൈ​ൽ ഫോ​ൺ എ​ടു​ത്ത് വ​ലി​ച്ചെ​റി​ഞ്ഞ് പൊ​ട്ടി​ക്കു​ക​യും മേ​ശ മു​ക​ളി​ലു​ണ്ടാ​യി​രു​ന്ന ഫ​യ​ലു​ക​ളും മ​റ്റും വ​ലി​ച്ചെ​റി​ഞ്ഞ് ന​ശി​പ്പി​ക്കു​ക​യു​മാ​യി​രു​ന്നു.

ഇ​ത് ത​ട​യാ​ൻ ശ്ര​മി​ച്ച പ​ഞ്ചാ​യ​ത്ത് പ്ര​സി​ഡ​ന്റ് സി.​ഒ. ശ്രീ​നി​വാ​സ​ന്റെ ഷ​ർ​ട്ട് വ​ലി​ച്ചു​കീ​റു​ക​യും മു​ഖ​ത്തും ശ​രീ​ര​ത്തി​ലും മാ​ന്തു​ക​യും ചെ​യ്തു. ഇ​തോ​ടെ ഓ​ഫി​സി​ലു​ണ്ടാ​യി​രു​ന്ന വ​നി​ത മെം​ബ​ർ​മാ​ർ ഓ​ടി​യെ​ത്തി യു​വ​തി​യെ ത​ട​യാ​ൻ ശ്ര​മി​ച്ചു. എ​ന്നാ​ൽ, പ​രാ​ക്ര​മം കാ​ട്ടി​യ യു​വ​തി മെം​ബ​ർ സ​ജി​ത മാ​പ്പാ​ല​യു​ടെ സ്വ​ർ​ണ​മാ​ല പൊ​ട്ടി​ക്കു​ക​യും സാ​രി വ​ലി​ക്കു​ക​യു​മാ​യി​രു​ന്നു.

വി​വ​ര​മ​റി​ഞ്ഞ് പി​ങ്ക് പൊ​ലീ​സെ​ത്തി യു​വ​തി​യെ ബ​ലം പ്ര​യോ​ഗി​ച്ച് പി​ടി​കൂ​ടി. മു​ഖ​ത്ത് പ​രി​ക്കേ​റ്റ പ്ര​സി​ഡ​ന്റ് സി.​ഒ. ശ്രീ​നി​വാ​സ​ൻ ആ​ല​ത്തി​യൂ​ർ ഇ​മ്പി​ച്ചി​ബാ​വ ആ​ശു​പ​ത്രി​യി​ലും പ​രി​ക്കേ​റ്റ ജീ​വ​ന​ക്കാ​രി ജ​സ​നാ ഭാ​നു പു​റ​ത്തൂ​ർ സി.​എ​ച്ച്.​സി​യി​ലും ചി​കി​ത്സ തേ​ടി. യു​വ​തി​യെ പൊ​ലീ​സ് ഇ​മ്പി​ച്ചി​ബാ​വ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പ​ഞ്ചാ​യ​ത്ത് പ്ര​സി​ഡ​ന്റി​ന്റെ പ​രാ​തി പ്ര​കാ​രം തി​രൂ​ർ പൊ​ലീ​സ് കേ​സെ​ടു​ത്തു.