പാഴ്​ കടലാ​സ്​ കിട്ടാനില്ല: കടലാസ്​ പെട്ടികൾ ഇനി പൊള്ളും

പാഴ്​ കടലാസെന്ന്​ വിളിച്ച്​ അപമാനിക്കരുത്​. കടലാസ്​ പെട്ടികളുടെ രാജാവാണീ കടലാസുകൾ. നാം അലക്ഷ്യമായി വലിച്ചെറിയുന്ന കടലാസുകൾ പോലും ഏറെ വിലപ്പെട്ടതാണെന്ന്​ അറിയണമെങ്കിൽ കടലാസ്​ പെട്ടികളുടെ പിറവിയെ കുറിച്ചറിയണം.

കടലാസ്​ പെട്ടികളുടെ ലോകത്ത്​ പാഴ് കടലാസുകൾക്ക്​ ആവശ്യക്കാർ ഏറെയാണ്​, ലഭ്യത കുറഞ്ഞതോടെ കടലാസ്​ പെട്ടിക്ക്​ വില കൂട്ടാനാണ്​ ബന്​ധപ്പെട്ടവരുടെ തീരുമാനം. മുൻപ്​ യൂറോപ്യൻ വിപണിയിൽ നിന്നാണ്​ പാഴ്​ കടലാസ്​ ഇറക്കുമതി ചെയ്യുന്നത്​. ഇതിനു വില കൂടുതലും ലഭ്യത കുറവ​ുമാണ്​. ഈ സാഹചര്യത്തിൽ വില കൂട്ടാനൊരുങ്ങുന്നത്​. കടലാസ്​ പെട്ടികളുടെ നിർമ്മാണത്തിൽ 70 ശതമാനത്തോളവും ക്രാഫ്​റ്റ്​ പേപ്പറ​ുകളാണ്​ ഉപയോഗിക്കുന്നത്​. ഏറ്റവ​ും കുറഞ്ഞ ക്രാഫ്​റ്റ്​ പേപ്പറിന്​ കഴിഞ്ഞ രണ്ട്​ മാസത്തിനിടെ കിലോയ്​ക്ക്​ അഞ്ചുരൂപ കൂടി ഇതോടെ വില 40 ആയി ഉയർന്നു. കോവിഡ്​ അടച്ചിടൽ കാരണം പാഴ്​ കടലാസ്​ ലഭ്യതയിൽ ഉണ്ടായിട്ടുള്ള കുറവും ഇറക്കുമതി നിയന്ത്രണങ്ങളുമാണ്​ വിലവർധനയ്ക്ക്​ ഇടയാക്കിയത്​.