ആണായും പെണ്ണായും ജയസൂര്യ; രഞ്ജിത്​ ശങ്കറി​​െൻറ ഞാൻ മേരിക്കുട്ടിയു​െട ടീസർ

സൂപ്പർ ഹിറ്റായി ഒാടിക്കൊണ്ടിരിക്കുന്ന ക്യാപ്​റ്റൻ എന്ന ചിത്രത്തിന്​ ശേഷം ജയസൂര്യ വേറിട്ട മറ്റൊരു അവതാരമായി എത്തുന്നു. സുഹൃത്ത്​ രഞ്​ജിത്​ ശങ്കർ സംവിധാനം ചെയ്യുന്ന ഞാൻ മേരിക്കുട്ടി എന്ന ചി​ത്രത്തിൽ താരം പെൺവേഷത്തിലാണ്​ എത്തുന്നത്​. മേരിക്കുട്ടിയെന്ന ടൈറ്റിൽ കഥാപാത്രത്തെയാണ്​​ ജയസൂര്യ അവതരിപ്പിക്കുന്നത്​​. ചിത്രത്തി​​​െൻറ ഫസ്​റ്റ്​ലുക്​ ടീസർ സംവിധായകൻ ഫേസ്​ബുക്കിലൂടെ പുറത്തുവിട്ടു.

രഞ്​ജിത്​ ശങ്കർ ജയസൂര്യ ഹിറ്റ്​ കൂട്ടുകെട്ടിൽ പിറന്ന മൂന്ന്​ ചിത്രങ്ങളും ബോക്സോഫീസ്​ ഹിറ്റുകളായിരുന്നു. പുണ്യാളൻ അഗർബത്തീസ്​, സു സു സുധിവാത്​മീകം, പുണ്യാളൻ പ്രൈവറ്റ്​ ലിമിറ്റഡ്​ എന്നീ ചിത്രങ്ങൾക്ക്​ ശേഷം ഇരുവരും ഒന്നിക്കു​േമ്പാൾ ആരാധകർ പ്രതീക്ഷയിലാണ്​. ഡ്രീംസ്​ ആൻഡ്​ ബിയോൻഡാണ്​ ചിത്രം നിർമിക്കുന്നത്​. ചിത്രത്തെ കുറിച്ചുള്ള മറ്റ്​ വിവരങ്ങൾ പുറത്തുവിട്ടിട്ടില്ല.

പുണ്യാളൻ പ്രൈവറ്റ്​ ലിമിറ്റഡ്​, ആട്​ 2, ക്യാപ്​റ്റൻ, എന്നീ ചിത്രങ്ങളാണ്​ ജയസൂര്യയു​ടേതായി ഇൗ വർഷം പുറത്തുവന്നത്​. ഇതിൽ ആട്​ 2 ബ്ലോക്​ബസ്​റ്ററായപ്പോൾ മറ്റ്​ രണ്ട്​ ചിത്രങ്ങളും സൂപ്പർഹിറ്റുകളായി. ക്യാപ്​റ്റനിലെ പ്രകടനം ജയസൂര്യക്ക്​ നിരൂപക പ്രശംസയും നേടിക്കൊടുത്തു.