ബൈക്കും സ്കൂട്ടറും കൂട്ടിയിടിച്ച് സ്കൂട്ടർ യാത്രികനായ യുവാവ് മരിച്ചു

മുണ്ടൂർ: ബൈക്കും സ്കൂട്ടറും കൂട്ടിയിടിച്ച് സ്കൂട്ടർ യാത്രികനായ യുവാവ് മരിച്ചു.കൊട്ടെക്കാട് കിഴക്കേത്തറ ഷാമൻസിലിൽ ഷാജഹാൻ - സലീന ദമ്പതികളുടെ മകൻ ഷഫ്റീദ് (21) ആണ് മരിച്ചത്.മുണ്ടൂർ ഭാഗത്തെ ബന്ധുവീട് സന്ദർശിച്ച് വീട്ടിലേക്ക് മടങ്ങുന്ന യുവാവ് സഞ്ചരിച്ച സ്കൂട്ടറിൽ ബൈക്കിടിച്ചാണ് അപകടം.

പാലക്കാട് -കോഴിക്കോട് ദേശീയപാതയിൽ മുണ്ടൂർ ജങഷന് സമീപം കപ്ളി പാറയിലാണ് സംഭവം. ചൊവ്വാഴ്ച വൈകീട്ട് ആറിനാണ് അപകടം. അപകടത്തിൽ സാരമായി പരിക്കേറ്റ യുവാവിനെ ആദ്യം ഒലവക്കോട്ട് സ്വകാര്യ ആശുപത്രിയിലും പിന്നീട് പാലക്കാട് ജില്ല ആശുപത്രിയിലും എത്തിച്ചെങ്കിലും രക്ഷിക്കാനായില്ല.

മരിച്ച യുവാവ് എഞ്ചിനിയറിങ് ബിരുദദാരിയാണ്. സഫാ ദ് ഏക സഹോദരനാണ്. പിതാവ് ഷാജഹാൻ ഓട്ടോ ഡ്രൈവറാണ്. മൃതദേഹം പാലക്കാട് ജില്ല ആശുപുത്രിയിൽ.