ബസ്സും കാറും കൂട്ടിയിടിച്ച് രണ്ട് വയസുള്ള കുട്ടിയുൾ​പ്പെടെ മൂന്നുപേർ മരിച്ചു

മംഗളൂരു: കാര്‍ക്കളയിലെ നെല്ലിക്കരുവില്‍ സ്വകാര്യ ബസും കാറും കൂട്ടിയിടിച്ച് കുടുബത്തിലെ രണ്ട് വയസുള്ള കുട്ടി ഉള്‍പ്പെടെ മൂന്ന് പേര്‍ മരിച്ചു. ഇന്ന് രാവിലെ ഏഴിനാണ് സംഭവം. ആന്ധ്രാപ്രദേശ് സ്വദേശികളായ നാഗരാജ് (40), പ്രത്യുഷ (32), രണ്ട് വയസുള്ള കുട്ടി എന്നിവരാണ് സംഭവസ്ഥലത്ത് തന്നെ മരിച്ചത്.

ബംഗളൂരുവില്‍ താമസിക്കുന്ന കുടുംബം കാറിൽ ധര്‍മ്മസ്ഥല ക്ഷേത്രം സന്ദര്‍ശനം കഴിഞ്ഞ് ശൃംഗേരിയിലേക്ക് പോകുന്നതിനിടെ ഇന്ന് രാവിലെയാണ് അപകടമുണ്ടായത്. അപകടത്തില്‍ കാര്‍ പൂര്‍ണമായും തകര്‍ന്നു.