പത്ത് വയസ്സുകാരൻ വീട്ടിനുള്ളിൽ തൂങ്ങി മരിച്ചനിലയിൽ

കായംകുളം: പത്ത് വയസ്സുകാരനെ വീട്ടിനുള്ളിൽ തൂങ്ങി മരിച്ചനിലയിൽ കണ്ടെത്തി. എരുവ കിഴക്ക് കാവിൽ വീട്ടിൽ വേണുവിൻെറ ഏക മകൻ അക്ഷയാണ് (അപ്പു) മരിച്ചത്.

കായംകുളം എയ്ഞ്ചൽ ആർക്ക് സ്​കൂളിലെ അഞ്ചാം ക്ലാസ്​ വിദ്യാർത്ഥിയായിരുന്നു. മാതാവ് ഉദയകുമാരി കായംകുളത്തെ സ്വകാര്യ സ്ഥാപനത്തിൽ ജോലി ചെയ്യുകയാണ്.

വൈകീട്ട് ജോലി കഴിഞ്ഞ് വീട്ടിൽ എത്തിയപ്പോഴാണ് മകനെ തൂങ്ങി മരിച്ചനിലയിൽ കാണുന്നത്. അക്ഷയ് മാത്രമായിരുന്നു വീട്ടിൽ ഉണ്ടായിരുന്നത്.

പിതാവ് വിദേശത്താണ്. കായംകുളം പൊലീസ് കേസെടുത്തു. മൃതദേഹം കായംകുളം താലൂക്ക് ആശുപത്രി മോർച്ചറിയിൽ.