ആലപ്പുഴ: കാറും ഓട്ടോയും കൂട്ടിയിടിച്ചുണ്ടായ അപകടത്തിൽ വഴിയാത്രികൻ മരിച്ചു. ആലപ്പുഴ ആശ്രമം വാർഡ് മുപ്പതുവെളി എ.കെ നിവാസിൽ ഹരിഹര അയ്യരാണ് (80) മരിച്ചത്. ചൊവ്വാഴ്ച വൈകീട്ട് നാലിന് ആലപ്പുഴ മാമ്മൂട്ടിലാണ് അപകടം. കാറും ഒാട്ടോയും കൂട്ടിയിടിച്ച് നിയന്ത്രണംവിട്ട് കടയുടെ വാതിലിൽ നിൽക്കുകയായിരുന്ന വയോധികനെ ഇടിച്ച് വീഴ്ത്തുകയായിരുന്നു. ഗുരുതര പരിക്കോടെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
