കൊടുങ്ങല്ലൂർ: സംവിധായകൻ കമലിന്റെ സഹോദരനും കുസാറ്റ് റിട്ട. ഡെപ്യൂട്ടി റജിസ്ട്രാറുമായ അബ്ദുൽ നാസർ (62) നിര്യാതനായി. എറിയാട് താമസിച്ചിരുന്ന മതിലകം സ്വദേശി കണ്ടകത്ത് പരേതരായ അബ്ദുൽ മജീദിന്റെയും സുലേഖയുടെയും മകനാണ്. ഹൃദയാഘാതത്തെ തുടർന്നാണ് അന്ത്യം. ആലുവ സെമിനാരി പടിയിലാണ് താമസം. കൊടുങ്ങല്ലൂരിലെ കമലിന്റെ വസതിയിൽ കൊണ്ടുവന്ന മൃതദേഹം എറിയാട് കടപ്പൂർ ജുമാമസ്ജിദ് ഖബർസ്ഥാനിൽ ഖബറടക്കി. ഭാര്യ: നദീറ (ഐ.സി.ഡി.എസ് ശിശു വികസന പദ്ധതി ഓഫിസർ, ആലങ്ങാട്). മകൻ: ദിലാഷ്. മറ്റു സഹോദരൻ: ഷാനവാസ് (ലൈബ്രേറിയൻ, മണ്ണുത്തി കാർഷിക സർവകലാശാല).