മണ്ണുത്തി: ബൈക്കപകടത്തില് പരിക്കേറ്റ് ചികിത്സയിലായിരുന്ന യുവാവ് മരിച്ചു. കാളത്തോട് കൃഷ്ണാപുരം മാളിയേക്കല് എഡ്വിന് ലാസര് (25) ആണ് മരിച്ചത്. വ്യാഴാഴ്ച രാവിലെ കാളത്തോട് നിന്നും എറണാകുളത്തേക്ക് ജോലിക്ക് ബൈക്കില് പോകുമ്പോൾ സ്വകാര്യ ബസില് ഇടിച്ചാണ് അപകടമുണ്ടായത്. തുടർന്ന് മെഡിക്കല് ട്രസ്റ്റ് ആശുപത്രിയില് എത്തിച്ച് വെന്റിലേറ്ററിലേക്ക് മാറ്റിയിരുന്നു. വ്യാഴാഴ്ച രാത്രി പത്തിനാണ് മരണം സംഭവിച്ചത്. കൊച്ചി താജ് റെസിഡന്സിലെ സേഫ്റ്റി ഒാഫിസറാണ്. രക്തദാന പ്രവര്ത്തകനും കോർപറേഷന് മുന് കൗണ്സിലറും അതിരൂപത പാസ്റ്ററല് കൗണ്സില് അംഗവുമായ ലാസറാണ് പിതാവ്. മാതാവ്: ശോഭ (തത്രത്തില് പൊന്മാണി കുടുംബാംഗം). സഹോദരി: അഞ്ജന(കാനഡ). സംസ്കാരം ശനിയാഴ്ച നാലിന് ഒല്ലൂക്കര സെന്റ് ജോസഫ് പള്ളി സെമിത്തേരിയില്.