അടിമാലി: മീന്‍പിടിക്കുന്നതിനിടെ ദേവിയാര്‍ പുഴയില്‍ ഒഴുക്കില്‍പെട്ട് കാണാതായ ഇരുമ്പുപാലം ഒഴുവത്തടം കളത്തിപ്പറമ്പില്‍ തങ്കന്‍റെ മകന്‍ അഖിലിന്‍റെ (22) മൃതദേഹം കണ്ടെത്തി. ഇരുമ്പുപാലം ചെറായി പാലത്തിന് താഴ്ഭാഗത്ത് വ്യാഴാഴ്ച പുലര്‍ച്ച ആറോടെ നാട്ടുകാരാണ് കണ്ടെത്തിയത്. കഴിഞ്ഞ ഞായറാഴ്ച സന്ധ്യക്കാണ് അഖിലിനെ ഒഴുക്കില്‍പെട്ട് കാണാതായത്. മച്ചിപ്ലാവില്‍ ഷാപ്പിന് പിന്‍ഭാഗത്ത് അഖില്‍ ഉള്‍പ്പെടെ നാലുപേര്‍ ചേര്‍ന്നാണ് മീന്‍പിടിക്കാന്‍ എത്തിയത്. ചൂണ്ടയിടുന്നതിനിടെ കാല്‍വഴുതി അഖില്‍ പുഴയില്‍ വീണു. നാട്ടുകാരും പൊലീസും അഗ്നിരക്ഷാസേനയും സ്‌കൂബ ടീമും പുഴയില്‍ വ്യാപകമായി തിരച്ചില്‍ നടത്തി വരുകയായിരുന്നു.
