മണ്ണഞ്ചേരി: ഗൃഹനാഥനെ പൊള്ളലേറ്റ് മരിച്ചനിലയിൽ കണ്ടെത്തി. മണ്ണഞ്ചേരി പഞ്ചായത്ത് എട്ടാം വാർഡ് പൂവത്തിങ്കൽ ശിവരാമൻ നായരാണ് (72) മരിച്ചത്. കെ.എസ്.ഇ.ബി കരാർ തൊഴിലാളിയായിരുന്നു. ചൊവ്വാഴ്ച രാവിലെ വീട്ടിൽ വെച്ചായിരുന്നു സംഭവം.ഭാര്യ സുഭദ്ര മകന്‍റെ കുട്ടിയെ അംഗൻവാടിയിൽ കൊണ്ടുവിടാൻ പുറത്ത് പോയിരിക്കുകയായിരുന്നു. കെ.എസ്.ഇ.ബി ജീവനക്കാരനായ മകൻ സന്ദീപ് (സതീശൻ) ജോലിക്കിടെ പോസ്റ്റിൽനിന്നുവീണ് നടുവിന് ക്ഷതമേറ്റ് ആലപ്പുഴ മെഡിക്കൽ കോളജ് ആശുപത്രിയിൽ ചികിത്സയിലാണ്. മരുമകൾ: അർച്ചന. മണ്ണഞ്ചേരി പൊലീസ് നടപടി സ്വീകരിച്ചു. സംസ്കാരം ബുധനാഴ്ച വീട്ടുവളപ്പിൽ.
